Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

बीड : जिल्ह्यात उन्हाची तीव्रता वाढत असल्याने पाणीटंचाई उग्र रुप धारण करु लागली आहे़ जिल्हा परिषदेने उपाययोजनार्थ १ कोटी ८५ लाख रुपयांचा कृती आराखडा तयार केला होता़ त्यानुसार आतापर्यंत नवीन ६४ विंधन विहिरींचे काम पूर्ण झाले असून आतापर्यंत २८ लाख ८० हजार रुपयांचा खर्च आला आहे़ जिल्ह्यात ८ हजार १४३ इतक्या विंधन विहिरी होत्या़ नव्याने ६४ विंधन विहिरी होत असल्याने हा आकडा ८ हजार २०७ वर पोहोचला आहे़ एका विंधन विहिरीसाठी ४५ हजार रुपये इतका खर्च करण्यात आला आहे़ मे महिन्याच्या दुसर्या आठवड्यात २८ विंधन विहिरींची कामे पूर्ण करण्यात आली़ त्यानंतर दोन टप्प्यांत अनुक्रमे १९ व १७ अशा एकूण ३६ विंधन विहिरींना मंजुरी देण्यात आली आहे़ जिल्हा परिषदेच्या वतीने उन्हाळ्याच्या पार्श्वभूमीवर १ कोटी ८५ लाख रुपयांचा कृती आराखडा तयार केला होता़ भूजल सर्वेक्षण व विकास यंत्रणेचे उपअभियंता बी़ डी़ पाटील यांनी तांत्रिक मान्यता देऊन हा प्रस्ताव जिल्हाधिकार्यांकडे मंजुरीसाठी पाठवला होता़ जिल्हाधिकारी नवल किशोर राम यांनी या कृती आराखड्याला मंजुरी दिली़ पहिल्या टप्प्यात आष्टी, पाटोदा व शिरुर तालुक्यात २८ विंधन विहिरी घेण्यात आल्या़ दरम्यान, दुसर्या टप्प्यात मंजुरी मिळालेल्या ३६ विंधन विहिरींचे काम आठ दिवसांत पूर्ण करण्याचे आदेश जिल्हाधिकारी राम यांनी दिले आहेत़ ई-टेंडरिंगची प्रक्रिया पूर्ण विंधन विहिरी घेण्यासाठी भूजल सर्वेक्षण व विकास यंत्रणेकडे एकच बोअरवेल्स गाडी उपलब्ध आहे़ त्यामुळे खासगी बोअरवेल्सकडून ई- टेंडरींगद्वारे प्रस्ताव मागविले होते़ चारपैकी तीन बोअरवेल्सना हे काम मिळाले गेवराई, बीड व पाटोद्याच्या बोअरवेल्सला हे काम मिळाले आहे़ दुरुस्ती कामांवर भर उन्हाळ्याला सुरुवात होण्यापूर्वीच बंद असलेले हातपंप सुरु करण्याच्या दृष्टीने उपाययोजनांना सुरुवात करण्यात आली होती़ दुरुस्तीअभावी कुठलाही हातपंप बंद राहू नये याची पुरेपूर दक्षता घेतली जात आहे, असे भूजल सर्वेक्षण व विकास यंत्रणेचे उपअभियंता पाटील यांनी सांगितले़ (प्रतिनिधी) दुसर्या टप्प्यात १६ लाख २० हजार रुपये खर्च करुन ३६ विंधन विहिरी घेण्यात येतील़ गेवराई तालुक्यातील ७ गावे, ४ वस्त्यांवर १२ तर आष्टी तालुक्यातील ७ गावे, ११ वस्त्यांवर १९ विंधन विहिरी होतील़ वडवणी तालुक्यातील २ गावे व ८ वाड्यांवर १० तर पाटोद्यात ४ गावे व १२ वाड्यांवर ७ विंधन विहिरी घेण्यात येतील, अशी माहिती भूजल सर्वेक्षण व विकास यंत्रणेचे उपअभियंता बी़ डी़ पाटील यांनी दिली़

Beed (Marathi News)