Latest National News | National Marathi News | Latest National News in Marathi | राष्ट्रीय: ताज्या मराठी बातम्या

राजधानी नवी दिल्लीत सुरू असलेल्या एआय समिटमध्ये आज युवक काँग्रेसच्या कार्यकर्त्यांनी घुसखोरी करत तीव्र आंदोलन केले. युवक काँग्रेसच्या कार्यकर्त्यांनी सुरक्षा व्यवस्था तोडत प्रगती मैदानावरील भारत मंडपम येथे सुरू असलेल्या या एआय समिटमध्ये प्रवेश केला. त्यानंतर देशविदेशातील पाहुण्यांसमोर शर्ट काढत पंतप्रधान नरेंद्र मोदींविरोधात घोषणाबाजी केली. यावेळी 'पीएम इज कॉम्प्रमाईज्ड' अशा घोषणा युवक काँग्रेसच्या कार्यकर्त्यांनी दिल्या.एआय समिटमध्ये आज होणाऱ्या कार्यक्रमांसाठी देश-विदेशातून आलेले अनेक दिग्गज आणि विविध कंपन्यांचे प्रतिनिधी भारत मंडपमध्ये उपस्थित होते. त्यावेळी युवक काँग्रेसचे काही कार्यकर्ते फलक घेऊन कार्यक्रमाच्या मुख्य ठिकाणी पोहोचले. सुरक्षा रक्षकांनी त्यांना अडवण्याचा प्रयत्न केला. यादरम्यान, युवक काँग्रेसच्या काही कार्यकर्त्यांनी आपले कपडे काढत घोषणाबाजी करण्यास सुरुवात केली. पीएम इज कॉम्प्रमाईज्ड अशा घोषणा युवक काँग्रेसचे हे कार्यकर्ते देत होते. दरम्यान, सुरक्षा रक्षकांनी या कार्यकर्त्यांना पकडून ताब्यात घेतले आणि तातडीने कार्यक्रम परिसरातून बाहेर काढले. याबाबत दिल्ली पोलिसांच्या सूत्रांनी सांगितले की, एआय समिटमध्ये आंदोलन केल्या प्रकरणी युवक काँग्रेसच्या काही कार्यकर्त्यांना ताब्यात घेण्यात आले आहे. या आरोपींविरोधात कठोर कायदेशीर कारवाई करण्यात येणार आहे.तसेच एवढा कडेकोट बंदोबस्त असतानाही एवढ्या मोठ्या प्रमाणावर आंदोलक कार्यक्रमस्थळी कसे काय आले, असा प्रश्नही आता उपस्थित होत आहे.

National (Marathi News)

गुजरातमध्ये झालेल्या भीषण अपघातात सात जणांचा दुर्दैवी मृत्यू झाला. ...

Ram Mandir Ayodhya: अयोध्या केवळ भारतातीलच नव्हे तर जगातील सर्वात मोठे तीर्थक्षेत्र बनण्याच्या दिशेने वाटचाल करत आहे. ...

पेट्रोल पंपाजवळ सिगारेट पिणाऱ्या तरुणाने थेट पेट्रोलजवळ लाईटर पेटवल्याचा प्रकार समोर आला आहे. ...

शुभम चौहान यांच्या घरी १९ फेब्रुवारीच्या संध्याकाळी वरात निघण्याची जय्यत तयारी सुरू होती. ...

एक धक्कादायक घटना समोर आली आहे. ...