Latest Marathi News

तमिळनाडू विधानसभा निवडणुकीच्या निकालांने संपूर्ण देशाला चकित केले आहे, मात्र यात सर्वाधिक चर्चा होतेय ती तिरुपत्तूर विधानसभा मतदारसंघाची. येथे अभिनेता विजयच्या 'तमिळगा वेत्री कळघम' (TVK) पक्षाचे उमेदवार सीनिवसा सेतुपती आर. यांनी चक्क 'एका' मताच्या फरकाने विजय मिळवत इतिहास रचला. त्यांनी डीएमकेचे दिग्गज नेते तथा माजी मंत्री के. आर. पेरियाकरुप्पन यांचा पराभव केला. या निवडणुकीत सेतुपती यांना ८३,३७५ मते, तर पेरियाकरुप्पन यांना ८३,३७४ मते मिळाली आहेत. काय म्हणाले आनंद महिंद्रा ? या एकामताने झालेल्या विजयाची चर्चा संपूर्ण देशभरात सुरू आहे. यातच प्रसिद्ध उद्योगपती आनंद महिंद्रा यांनीही या विजयाची दखल घेतली आहे. यासंदर्भात सोशल मीडिया प्लॅटफॉर्म 'X' वर पोस्ट करत ते म्हटले, "१६६००० पेक्षा जास्त मतदान झालेल्या मतदारसंघात केवळ एका मताने इतिहास बदलला, ही गोष्ट थक्क करणारी आहे. हे चित्र जगातील प्रत्येक शाळेत दाखवायला हवे. म्हणजे, भविष्यातील पिढ्यांना एका मताची ताकद समजेल." खरेतर, एका मताने मिळालेला हा विजय लोकशाहीतील प्रत्येक मताचे महत्त्व दर्शवणारा ठरला आहे.विजय यांचा सत्तास्थापनेचा दावा -या निवडणुकीत विजय यांच्या TVK पक्षाने १०८ जागांवर विजय मिळवला आहे. या यशानंतर विजय यांनी बुधवारी (६ मे २०२६) राज्यपाल राजेंद्र विश्वनाथ आर्लेकर यांना भेटून अधिकृतपणे सरकार स्थापनेचा दावा केला. यावेळी त्यांच्यासोबत पक्षाचे ज्येष्ठ नेते 'बुस्सी' आनंद, के. ए. सेंगोट्टैयन आणि आधव अर्जुन आदी उपस्थित होते. महत्वाचे म्हणजे, तामिळनाडून सत्ता स्थापनेसाठी ११८ जागांची आवश्यकता आहे. मात्र टीव्हीकेकडे केवळ १०८ जागाच आहेत.

Wipro Salary Cut: एका बाजूला टेक आणि आयटी कंपन्या मोठ्या प्रमाणात नोकर कपात करत आहेत. ...

राहुल गांधी यांनी यावेळी त्यांच्या लग्नाशिवाय, आयुष्याशी संबंधित अनेक प्रश्नांवर दिलखुलास उत्तरे दिली... ...

ठाणे अग्निशमन दलाचे मदतकार्य: हॉटेलचे मोठया प्रमाणात नुकसान ...

निवडणुकीच्या पार्श्वभूमीवर पराभवाच्या भीतीने भाजपचा भय आणि दहशतीचे वातावरण तयार करण्याचा प्रयत्न ...

'शमशेरा' सिनेमाच्या शूटिंगवेळी घडलेला भन्नाट किस्सा ...

त्यात काही अर्थ नाही आणि ते लोक विश्वास ठेवण्यासारखे नाहीत. ही होती न झालेल्या साखरपुड्याची गोष्ट... ...