Latest Uttar Pradesh News | Uttar Pradesh Marathi News | Latest Uttar Pradesh News in Marathi | उत्तर प्रदेश: ताज्या मराठी बातम्या

उत्तर प्रदेशातील बिजनौर जिल्ह्यातून एक अत्यंत धक्कादायक आणि माणुसकीला काळीमा फासणारी घटना समोर आली आहे. आपल्या मुलीचे प्रेमसंबंध असल्याची कुणकूण लागल्याने संतापलेल्या बापाने पोटच्या १७ वर्षीय मुलीची गळा आवळून निर्घृण हत्या केली आहे. नगीना पोलीस ठाण्याच्या हद्दीतील बिन्जाहेडी गावात घडलेल्या या 'ऑनर किलिंग'च्या घटनेने संपूर्ण परिसरात खळबळ उडाली आहे.नेमकी घटना काय?नजाकत असे या आरोपी वडिलांचे नाव असून, तो एका बेकरीमध्ये कामाला आहे. त्याला एकूण सहा अपत्ये असून, त्यातील मृत मुलगी रेश्मा (वय १७) ही सर्वात मोठी होती. रेश्माचे गावातीलच एका तरुणासोबत प्रेमसंबंध होते, ज्याचा घरच्यांचा सुरुवातीपासूनच तीव्र विरोध होता. कुटुंबीयांनी तिला अनेकदा समजावण्याचा प्रयत्न केला, पण ती आपल्या निर्णयावर ठाम होती.मध्यरात्री केला घातबुधवारी पहाटेच्या सुमारास नजाकतने आपल्या मुलीच्या प्रियकराला घराबाहेर पडताना पाहिले. यामुळे त्याचा राग अनावर झाला. मुलगी गाढ झोपेत असताना, पहाटे ४ वाजताच्या सुमारास नजाकतने तिचा गळा आवळून तिची निर्घृण हत्या केली. या घटनेची माहिती मिळताच पोलिसांनी घटनास्थळी धाव घेतली. नजाकतच्या घरातील एका खोलीत मुलीचा मृतदेह आढळला. पोलिसांनी मृतदेह ताब्यात घेऊन शवविच्छेदनासाठी पाठवला आहे.पोलिसांसमोर गुन्हा कबूलसुरुवातीला काहीही बोलण्यास टाळाटाळ करणाऱ्या नजाकतने पोलिसी खाक्या दाखवताच आपला गुन्हा कबूल केला. "मी एका मुलाला रात्री घरून बाहेर पडताना पाहिले, त्यामुळे मला प्रचंड राग आला आणि मी तिची हत्या केली," अशी कबुली त्याने दिली आहे. बिजनौरचे पोलीस क्षेत्राधिकारी राजेश कुमार सोलंकी यांनी दिलेल्या माहितीनुसार, आरोपी बापाला पोलिसांनी ताब्यात घेतले असून, पुढील कायदेशीर कार्यवाही सुरू आहे. एका प्रेमसंबंधावरून बापानेच मुलीचा जीव घेतल्याने परिसरात संताप व्यक्त केला जात आहे.

Uttar Pradesh (Marathi News)

शनिवारी दुपारी ३ वाजण्याच्या सुमारास मीरानपूर मोहल्ल्यातील एका घरातून ही घटना समोर आली... ...

UP Crime News: पोलिसांनी आरोपींविरुद्ध गुन्हा दाखल करून अटकेचे प्रयत्न अधिक तीव्र केले आहेत. ...

उत्तर प्रदेशातील हापूर जिल्ह्यात भीषण आग लागली आहे. या आगीत तब्बल ७० झोपड्या जळून खाक झाल्या. ...

BJP Nitin Nabin Uttar Pradesh Assembly Election News: नितीन नवीन यांनी मुख्यमंत्री योगी आदित्यनाथ यांच्या नावाला पाठिंबा दिला आहे. ...

मुरादाबादमध्ये जिमवरून झालेल्या वादातून पतीने केली पत्नीची हत्या. ७ तास मृतदेहाशेजारी बसला आरोपी. ...

प्रियकरासोबत पाहिल्याच्या रागातून वडिलांनी १७ वर्षीय मुलीची गळा आवळून केली हत्या. ...