Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे - गेल्या सहा वर्षांपासून लोकमत ‘पुणे प्रॉपर्टी शोकेस’ या नावाने पुण्यातील नामांकित व प्रथितयश बांधकाम व्यावसायिकांच्या गृहप्रकल्पांच्या प्रदर्शनाचे आयोजन करीत आहे. यंदाचे या उपक्रमाचे हे यशस्वी सातवे वर्ष असून, अक्षय तृतीयेच्या शुभ मुहूर्ताआधी आज शनिवारी(दि़ ७) व रविवारी (दि. ८) सकाळी १० ते रात्री ८ या वेळेत गणेश कला, क्रीडा मंच, स्वारगेट पुणे येथे आयोजन करण्यात आले आहे.यामध्ये पुण्यातील नामांकित बांधकाम व्यावसायिकांचे १५० हून अधिक गृहप्रकल्प पाहता येतील. आज शनिवारी (दि. ७) सकाळी १०.३० वाजता या गृहप्रदर्शनाचा शुभारंभ होईल. या प्रदर्शनाचे उद्घाटक डॉ. जयंत अभ्यंकर (व्यवस्थापकीय संचालक, शारंगधर फार्मास्युटिकल्स प्रा. लि.) यांच्या हस्ते होणार असून या प्रदर्शनास बॅँकिंग पार्टनर लाभलेल्या स्टेट बॅँक आॅफ इंडियाचे अजय जोशी (सहायक महाप्रबंधक) याप्रसंगी उपस्थित राहणार आहेत.या गृहप्रदर्शनात अॅफोर्डेबल होम्स, लक्झुरियस होम्स, व्यावसायिक प्रकल्प, रो-हाऊस, बंगलो प्लॉट्स, ओपन प्लॉट्स असे प्रॉपर्टीमधील गुंतवणुकीसाठीचे अनेक पर्याय पुणेकरांना पाहता येणार आहेत़ पुणे, पिंपरी-चिंचवड व संपूर्ण पुणे जिल्ह्यातील अनेक प्रकल्पांची माहिती एकाच छताखाली मिळणार आहे.बुधवारी (दि. १८) अक्षय तृतीया हा साडेतीन मुहूर्तांपैकी एक समजला जाणारा शुभ मुहूर्त आहे. या मुहूर्तावर केलेल्या खरेदीचा आनंद अक्षय्य राहतो. यामुळे या प्रदर्शनासाठी बांधकाम व्यावसायिकांनी अनेक वैशिष्ट्यपूर्ण व आकर्षक योजना आखल्या आहेत़या प्रदर्शनाचे आणखी एक वैशिष्ट्य म्हणजे गणेश कला, क्रीडा मंचसारख्या पुण्यातील सर्व भागांतून सहजतेने पोहोचू शकणाऱ्या मध्यवर्ती ठिकाणी आयोजन करण्यात आले आहे.आवाक्यात आलेल्या गृहकर्ज व्याजदरांमुळे आगामी काळात पुणे बांधकाम क्षेत्राचे चित्र बदलत जाईल, असा अंदाज व्यक्त होत आहे. तरी, अक्षय तृतीयेच्या मुहूर्तावर आयोजिल्या या गृहप्रदर्शनाला पुणेकरांनी भेट द्यावी आणि स्वप्नातील घर नक्की करावे, असे आवाहन आयोजकांनीकेले आहे.प्रदर्शनाची वैशिष्ट्ये अक्षय तृतीयेच्या मुहूर्तावर घरखरेदीवर विशेष योजना रेडीपझेशन घरांवर सवलती अॅफॉर्डेबल ते लक्झुरिअस घरांची श्रेणी बॅँकिंग पार्टनर स्टेट बॅँक आॅफ इंडिया असून इच्छुक ग्राहकांचे उत्पन्न विचारात घेऊन ताबडतोब तत्त्वत: गृहकर्ज मंजुरीपत्र त्वरित देण्याची व्यवस्था.लोकमत पुणे प्रॉपर्टी शोकेस २०१८केव्हा? : शनिवार (दि. ७) व रविवार (दि. ८ एप्रिल २०१८).कोठे? : गणेश कला, क्रीडा रंगमंच.कधी? : सकाळी १० ते रात्री ८ वा.४प्रवेश व पार्किंग विनामूल्यवास्तुशास्त्रातील वैज्ञानिक वास्तव मकरंद सरदेशमुुख हे वास्तुशास्त्रातील वैज्ञानिक वास्तवाचे महत्त्व साध्या शब्दांत उपस्थितांना समजावून सांगणार आहेत. ज्यातून वास्तुशास्त्र व त्याबद्दलचे समज-गैरसमज दूर होण्यास मदत होणार आहे. हे मार्गदर्शन सत्र रविवारी दि. (८) दुपारी ४.०० वाजता गणेश कला, क्रीडा मंचच्या प्रदर्शनस्थळी होणार असून हे मार्गदर्शन सत्र सर्वांना विनामूल्य आहे.

Pimpri Chinchwad (Marathi News)

अत्याचारापासून वाचण्यासाठी महिलेची बाल्कनीतून उडी ...