फक्त एकदाच करा 50 हजारांची गुंतवणूक, दहा वर्षांपर्यंत होईल लाखोंची कमाई

drumstick plant farming : सध्या काही लोक नोकरी सोडून शेती करण्यासाठी पुढाकार घेत आहेत. कारण...

नवी दिल्ली : जर तुम्हाला नोकरी सोडून व्यवसाय सुरू करायचा असेल तर तुमच्याकडे चांगली संधी आहे. मात्र, यासाठी तुम्हाला असा व्यवसाय करण्याची आवश्यक आहे, ज्याची नेहमीच मार्केटमध्ये मागणी असते.

सध्या काही लोक नोकरी सोडून शेती करण्यासाठी पुढाकार घेत आहेत. कारण, लोक त्यांच्या आरोग्याबद्दल अधिक जागरूक झाले आहेत. या व्यतिरिक्त बरेच सेलेब्रिटीही यात गुंतवणूक करत आहेत.

बदलत्या वातावरणात पारंपारिक शेतीपेक्षा नगदी पिकं घेऊन चांगले उत्पन्न मिळू शकते. सध्या शेवग्याच्या शेगांची शेती करण्याकडे बऱ्याच शेतकऱ्यांचा कल दिसून येत आहे. याचे मुख्य कारण म्हणजे शेवग्याची सहजपणे लागवड केली जाऊ शकते आणि अनेक फायदेशीर गुणधर्म आहेत.

त्यामुळे आज आम्ही तुम्हाला शेवग्याच्या शेतीबद्दल सांगणार आहोत. ही शेती सुरू केल्यास तुम्ही दरमहा 6 लाख रुपये कमाई करू शकता म्हणजेच महिन्याला 50 हजार रुपये कमवू शकता.

अशा प्रकारे करा शेती…

शेवग्याची शेती करण्यासाठी तुम्हाला जास्त जागेची आवश्यकता नाही. 10 महिन्यांच्या लागवडीनंतर शेतकरी एकरात एक लाख रुपये कमवू शकतात. शेवगा एक औषधी वनस्पती आहे. कमी खर्चात तयार होणाऱ्या या पिकाचे वैशिष्ट्य म्हणजे एकदा लागवड केल्यानंतर चार वर्षांपर्यंत पुन्हा लागवड करावी लागत नाही.

शेवगा एक औषधी वनस्पती आहे. शेवग्याच्या लागवडीमुळे त्याची बाजारपेठ आणि निर्यात करणे सोपे आहे. फक्त भारतातच नाही तर संपूर्ण जगात वैद्यकीयदृष्ट्या पिकलेल्या पिकांना मोठी मागणी आहे.

शेवग्याला इंग्रजीमध्ये ड्रमस्टिक (Drumstick) म्हणतात. त्याचे वैज्ञानिक नाव मोरिंगा ओलिफेरा आहे. त्याच्या लागवडीत पाण्याची जास्त गरज लागत नाही आणि देखभाल सुद्धा कमी करावी लागते.

शेवग्याची शेती करणे सोपे आहे. ते उबदार भागात सहज वाढते. थंड प्रदेशात, त्याची लागवड फारशी फायदेशीर नाही, कारण त्याला फुलण्यासाठी 25 ते 30 डिग्री तापमान आवश्यक आहे.

शेवग्याचे झाड कोरड्या मातीमध्ये चांगले वाढते. हे वर्षातून दोनदा तयार होते आणि सहसा एक झाड 10 वर्षांसाठी चांगले उत्पादन देते. कोयंबटूर 2, रोहित 1, पीकेएम 1 आणि पीकेएम 2 या प्रमुख प्रकार आहेत.

शेवग्याच्या जवळजवळ प्रत्येक भाग खाण्यालायक असतो. त्याची पाने कोशिंबीर म्हणून खाऊ शकता. शेवग्याची पानं, फुलं आणि फळं सगळ्यात पौष्टिक आहेत. यात औषधी गुणधर्म देखील आहेत.

तसेच, शेवग्याच्या बियांमधून तेल देखील काढले जाते. शेवग्याच्या वापराने 300 पेक्षा जास्त रोग टाळता येऊ शकतात. शेवग्यामध्ये 92 व्हिटॅमिन, 46 अँटी-ऑक्सिडंट्स, 36 पेन किलर आणि 18 प्रकारचे अॅमिनो अॅसिड आहेत.

किती होईल कमाई?

या शेतीमध्ये एकरात सुमारे 1,200 झाडे लावू शकतात. एकरीमध्ये शेतीच्या रोपाची किंमत सुमारे 50 ते 60 हजार रुपये असेल. तुम्ही फक्त शेवग्याची पाने विकून वार्षिक 60 हजार रुपयांपर्यंत कमाई करू शकता. तसेच, शेवग्याच्या उत्पादनावर तुम्ही 1 लाखाहून अधिक पैसे कमवू शकता.