Latest Marathi News

गडचिरोली : भारतीय संस्कृतीत अधिक मासाला विशेष महत्त्व असून, या महिन्यात जावयाचा मान-पान करण्याची जुनी परंपरा आहे. यंदा १७ मेपासून अधिक मासाला सुरुवात होत असून, सासरच्या मंडळींनी जावईबापूंना 'धोंडा' देण्यासाठी तयारी सुरू केली आहे. मात्र, सोन्या-चांदीच्या दरांनी घेतलेली गगनभरारी आणि जीवनावश्यक वस्तूंच्या महागाईमुळे यंदा जावयाचा 'धोंडा' नेमका कसा द्यावा, अशा विवंचनेत सासरेबुवा सापडले आहेत.दर तीन वर्षांनी येणारा हा 'तेरावा महिना' यंदा १७ मे ते १५ जून या कालावधीत येत आहे. या महिन्यात जावयाला सोन्याचा किंवा चांदीचा धोंडा भेट देण्याची प्रथा आहे. गडचिरोलीच्या बाजारपेठेत सध्या सोन्याचे दर १ लाख ५७ हजार रुपयांवर पोहोचले आहेत, तर चांदीनेही अडीच लाखांचा टप्पा ओलांडला आहे. अशा स्थितीत जावयाचा मान राखताना सासरच्या मंडळींच्या खिशाला मोठी कात्री लागणार असल्याचे चित्र दिसत आहे. काय आहे धार्मिक महत्त्व ?हिंदू धर्मात अधिक मासाला अत्यंत पवित्र मानले जाते. या महिन्यात भगवान विष्णूची आराधना केली जाते. या काळात केलेले दान, जप आणि तप हे अक्षय फळ देणारे मानले जाते. म्हणूनच आपल्या मुलीचा संसार सुखाचा व्हावा, या भावनेतून जावयाला विष्णूचे रूप मानून त्याचे पूजन केले जाते.धोंड्याच्या मानासाठी जावईबापूंना बोलावणेअधिक मास सुरू झाला की ग्रामीण आणि शहरी भागातही जावयाला घरी जेवायला बोलावण्याची लगबग सुरू होते. गुळाचे ३३ अनारसे करून ते तांब्याच्या ताटात ठेवून जावयाला दान दिले जातात. अनेक ठिकाणी जावयाला नवीन कपडे आणि ऐपतीप्रमाणे सोन्या-चांदीचे दागिने देऊन त्याचा सन्मान केला जातो. मागील अनेक वर्षांपासून काही समाजामध्ये ही परंपरा आजही कायम जपली आहे.सराफा बाजाराची काय तयारी ?दर वाढले असले तरी ग्राहकांची गरज ओळखून गडचिरोलीतील सराफा व्यापाऱ्यांनी हलक्या वजनाचे दागिने आणि चांदीचे लहान धोंडे उपलब्ध करून दिले आहेत. ५०० मिलीग्राम ते १ ग्रॅममधील सोन्याच्या अंगठ्या आणि चांदीची नाणी यांना मोठी मागणी येण्याची शक्यता व्यापाऱ्यांनी व्यक्त केली आहे.गॅससह तेलाचा भडका, अनारशांचीही पंचाईत !केवळ सोने-चांदीच नाही, तर स्वयंपाकघरातील महागाईनेही सामान्यांचे कंबरडे मोडले आहे. घरगुती गॅस सिलिंडरचे वाढते दर आणि खाद्यतेलाच्या किमतीत झालेली वाढ यामुळे धोंड्याचा मुख्य पदार्थ असलेल्या 'अनारशांची' मेजवानीही यंदा महाग पडणार आहे. साखर, तूप आणि मजुरीच्या दरात वाढ झाल्याने मिठाईच्या दुकानांतही अनारशांचे दर वधारले आहेत.यंदा १७ मे पासून अधिक मासखगोलशास्त्रीय गणनेनुसार, दर तीन वर्षांनी एक महिना अधिक येतो, ज्याला 'पुरुषोत्तम मास' असेही म्हटले जाते. यंदा हा महिना रविवार, १७ मेपासून सुरू होऊन १५ जूनपर्यंत चालणार आहे. या काळात दानधर्माला आणि जावयाच्या पूजनाला विशेष महत्त्व दिले जाते.काय आहेत सोन्या-चांदीचे दर?सोने: (प्रती १० ग्रॅम) : १,५७,००० रुपयेचांदी: रुपये (प्रती किलो) : २,६७,००० रुपये

पतीने पत्नीच्या डोक्यात लोखंडी रॉड घालून निघृण खून केल्याची घटना विटा समोर आली आहे. ...

यशने आपल्या रावणाच्या भूमिकेबद्दल काही खास खुलासे केले आहेत. ज्यामुळे चाहत्यांची उत्सुकता आणखी वाढली आहे. ...

- अनधिकृत ओव्हरहेड केबलची कारवाई तात्पुरती थांबविणार ...