Latest Marathi News

पुणे: राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी महायुतीतील राजकीय हालचालींबाबत मोठा दावा करत राज्याच्या राजकारणात नवा चर्चेचा विषय निर्माण केला आहे. रोहित पवार यांनी थेट नाव घेत सुनील तटकरे आणि प्रफुल्ल पटेल हे भविष्यात भाजपमधूनच निवडणूक लढवतील, असा खळबळजनक दावा केला. त्यांच्या या वक्तव्यानंतर महायुतीत नवा राजकीय भूकंप होण्याची चर्चा सुरू झाली आहे.रोहित पवार म्हणाले, “काहीही झालं तरी सुनील तटकरे आणि प्रफुल्ल पटेल भाजपमधूनच लढणार आहेत. त्यांच्यासोबत २२ आमदारांचंही ठरलेलं आहे. इतकंच नाही तर एकनाथ शिंदे गटातील काही आमदारांचंही जवळपास निश्चित झालं आहे. त्यामुळे आता मोघम बोलून चालणार नाही. जे आहे ते स्पष्ट आहे.”एकनाथ शिंदे यांच्या शिवसेना गटातील काही आमदारही भविष्यात भाजपच्या चिन्हावर निवडणूक लढवू शकतात, असा सूचक दावा करत रोहित पवार यांनी महायुतीत मोठ्या राजकीय घडामोडी घडण्याची शक्यता असल्याचं म्हटलं.खर तर भाजप प्रवेशाची ही प्रक्रिया २०२९ पूर्वी होणार होती, पण आता ती थोडी लवकर सुरू झाली आहे. रोहित पवार यांनी पुढे बोलताना तटकरे यांच्यावर निशाणा साधला. “जर त्यांनी आता भाजपमध्ये अधिकृत प्रवेश केला, तर पुन्हा निवडणूक लागू शकते. आणि तटकरे यांच्या मतदारसंघात निवडणूक झाली, तर ते निवडून येणार नाहीत. शिंदे गटच त्यांना त्या ठिकाणी पाडेल,” असा दावा त्यांनी केला.या वक्तव्यानंतर राज्याच्या राजकारणात अनेक तर्क-वितर्कांना उधाण आलं आहे. विशेषतः अजित पवार गट, भाजप आणि शिंदे गटातील अंतर्गत समीकरणांवर आता चर्चा रंगू लागली आहे. रोहित पवार यांच्या दाव्यानंतर महायुतीतील नेते काय प्रतिक्रिया देतात, याकडे राज्याचं लक्ष लागलं आहे.

'शाका लाका बूम बूम' ही टीव्हीवरील लोकप्रिय मालिकांपैकी एक होती. ...

How To Get Thick Layer Malai On Packet Milk : पॅकेटबंद असलेल्या पिशवीच्या दुधाला घट्ट साय येत नाही अशी बऱ्याचजणांची तक्रार असते. ...

IPL 2026 Star Performers Indian Cricketers: टी२० वर्ल्डकप जिंकणारे बडे खेळाडू IPL मध्ये फ्लॉप ठरताना दिसत आहेत. ...

सध्या भारतीय वायुसेनेकडे सुमारे ३० फाइटर स्क्वाड्रन आहेत, तर ४२ स्क्वाड्रनची गरज आहे. ...