क्षणात खेळ खल्लास! एकाच मोटारसायकलवर तिघे, हातात रिव्हॉल्व्हर; रीलसाठी जीव गमावून बसले

Death Caught on camera: सोशल मीडियावर लोकप्रिय होण्यासाठी हल्ली काहीही केलं जात आहे. अनेकजण जीवही गमावून बसले आहेत, पण तरीही अशा गोष्टी थांबलेल्या नाहीत. अशीच घटना समोर आलीये. 

Viral Video: स्टंटबाजी करतानाचे अनेक व्हिडीओ तुम्ही बघितले असतील. पण, हा व्हिडीओ बघून तुमचाही थरकाप उडेल. एकाच मोटारसायकलवर तीन तरुण बसून रीलसाठी स्टंटबाजी करत होते. त्यातील एका तरुणाकडे रिव्हॉल्व्हर आहे. रिव्हॉल्व्हर दाखवत व्हिडीओ बनवला जात असतानाच ही घटना घडली, ज्यात तिघांचाही मृत्यू झाला. 

मध्य प्रदेशातील रीवा जिल्ह्यामध्ये असलेल्या मऊगंज येथे ही घटना घडली आहे. मऊगंजमध्ये राष्ट्रीय महामार्ग १३५ वर हे तरुण स्टंटबाजी करतानाचे व्हिडीओ बनवत होते. महामार्गावर जड वाहने जात असतानाच त्यांना कट मारत वेगात मोटारसायकल चालवना ही घटना घडली. 

स्टंटबाजी, रील आणि मृत्यू; व्हिडीओ बघा

मऊगंज NH-135 पर ‘खूनी रेस’ का खौफनाक अंत, 3 लड़के बाइक से स्टंट कर रहे थे, हाथ में कट्टा, दूसरी बाइक पर इनके दोस्त वीडियो बना रहे थे अगले ही पल ट्रेलर से भिड़ंत… 3 भाइयों की मौत हो गई कितना खौफनाक और दर्दनाक है pic.twitter.com/v9zdj1Vkoq

— Anurag Dwary (@Anurag_Dwary) April 19, 2026

दोन मोटारसायकलवर हे तरुण होते. एका मोटारसायकलवरील तरुण दुसऱ्या मोटारसायकलवरील तरुणांचा व्हिडीओ बनवत होते. व्हिडीओ बनवणाऱ्या तरुणांनी मोटारसायकलचा वेग वाढवला.

त्यानंतर स्टंट करणारे तरुण वेग वाढवत वाहनांना कट मारत पुढे गेले. पण, बाईकचा वेग इतका होता की, बाजूला असलेले आणि समोर असलेल्या दोन्ही कंटनेरमधून पुढे जातानाच हा अपघातच झाला. तिघेही या अपघातात मरण पावले.