Latest Marathi News

कडक उन्हाळा आणि घामाच्या धारांपासून वाचण्यासाठी कुलर हा सर्वसामान्यांसाठी सर्वात मोठा आधार असतो. पण अनेकदा भीती असते ती म्हणजे महिन्याच्या शेवटी येणाऱ्या वीज बिलाची. जर तुम्ही रोज ८ तास कुलर चालवत असाल, तर तुमच्या बिलात किती भर पडेल? हे जाणून घेण्यासाठी तुम्हाला तुमच्या कुलरचे 'वॉट' माहीत असणे गरजेचे आहे.कुलर किती वीज वापरतो?कुलरचा वीज वापर त्याच्या क्षमतेवर अवलंबून असतो. साधारणपणे घरगुती कुलर १०० वॉट ते २५० वॉटपर्यंत असतात. छोटे कुलर कमी वीज खातात, तर मोठे डेझर्ट कुलर जास्त वीज वापरतात.समजा तुमचा कुलर १५० वॉटचा (150W)आहे. तो १ तास चालला तर ०.१५ युनिट वीज खर्च होते. जर, तुम्ही तो रोज ८ तास चालवला, तर दिवसाला १.२ युनिट वीज खर्च होईल. अशा प्रकारे ३० दिवसांचा विचार केल्यास महिन्याला ३६ युनिट वीज खर्च होईल.खर्च किती येईल?जर तुमच्या भागात विजेचा दर ६ रुपये प्रति युनिट असेल, तर ३६ युनिट × ६ रुपये = २१६ रुपये प्रति महिना. म्हणजेच, केवळ २०० ते २५० रुपयांत तुम्ही महिनाभर कुलरचा गारवा घेऊ शकता. एसीच्या तुलनेत हा खर्च अत्यंत नगण्य आहे.वॉटनुसार महिन्याचा अंदाजे खर्च (दिवसाला ८ तास वापर):१०० वॉटचा कुलर: २४ युनिट (महिना खर्च: अंदाजे १४४ रुपये)२०० वॉटचा कुलर: ४८ युनिट (महिना खर्च: अंदाजे २८८ रुपये)२५० वॉटचा कुलर: ६० युनिट (महिना खर्च: अंदाजे ३६० रुपये)वीज बिल वाचवण्यासाठी खास टिप्स१. व्हेंटिलेशन: कुलर नेहमी खिडकीत किंवा जिथे हवा खेळती असेल तिथे ठेवा, जेणेकरून कुलरला थंड हवा ओढणे सोपे जाईल आणि मोटरवर ताण येणार नाही.२. पाणी आणि स्वच्छता: कुलरमधील पाण्याचा पंप वेळोवेळी स्वच्छ करा आणि पॅड्स (गवताचा भाग) ओले राहतील याची काळजी घ्या.३. गरज नसल्यास बंद ठेवा: कुलरचा वापर झाल्यावर तो पूर्णपणे बंद करा. केवळ पंखा चालवूनही काही वेळ गारवा टिकवता येतो.४. नवीन मॉडेल्स: जुन्या कुलरपेक्षा नवीन एनर्जी-एफिशिएंट कुलर वापरा, जे कमी विजेत जास्त हवा देतात.

चालकाचा ताबा सुटल्याने भरधाव मारुती अर्टिगा कार रोडच्या कडेला असलेल्या झाडावर आदळली. यात दोघांचा घटनास्थळीच... ...