Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

जगातील सर्वात संवेदनशील सागरी मार्ग समजल्या जाणाऱ्या होर्मुजच्या सामुद्रधुनीत सध्या युद्धसदृश परिस्थिती आहे. अमेरिकेने या मार्गावर कडक नाकेबंदी लागू केली असतानाच, पाकिस्तानच्या एका अजस्त्र तेल टँकरने हा वेढा यशस्वीपणे ओलांडला आहे. 'शलामार' असे या जहाजाचे नाव असून, अमेरिकन नौदलाच्या डोळ्यांदेखत या जहाजाने घेतलेली झेप सध्या चर्चेचा विषय ठरली आहे.१४० वरून थेट ९ वर!अमेरिकेच्या सेंट्रल कमांडने दिलेल्या माहितीनुसार, गेल्या काही दिवसांपासून या मार्गावरून जहाजांची वाहतूक पूर्णपणे ठप्प झाली आहे. जिथे रोज १४० जहाजे ये-जा करायची, तिथे आता ही संख्या १० च्या खाली आली आहे. भीतीपोटी मागील तीन दिवसांत तब्बल १४ जहाजांनी आपला मार्ग बदलून माघार घेतली. मात्र, पाकिस्तान नॅशनल शिपिंग कंपनीचे 'शलामार' हे जहाज याला अपवाद ठरले.नेमकं कसं निसटलं 'शलामार'?'शलामार' हे अफ्रामॅक्स श्रेणीतील विशाल टँकर आहे. गेल्या रविवारी हे जहाज आखतीत शिरले होते, तेव्हा नाकेबंदी इतकी कडक नव्हती. मात्र, सोमवारी अमेरिकेने वेढा आवळताच इतर जहाजांनी थांबण्याचा निर्णय घेतला. अशावेळी गुरुवारी इराणच्या 'लारक' बेटाच्या दक्षिण भागातून शलामारने आपली वाट काढत बाहेर पडण्यात यश मिळवले. सूत्रांच्या माहितीनुसार, इराणने काही पाकिस्तानी जहाजांना विशेष परवानगी दिली असावी, म्हणूनच हे शक्य झाले.पाकिस्तानात रविवारी दिवाळी!हे जहाज संयुक्त अरब अमिरातीच्या 'दास आयलंड'वरून तब्बल ४ लाख ५० हजार बॅरल कच्चे तेल घेऊन निघाले आहे. हे जहाज सध्या कराचीच्या दिशेने झेपावत असून रविवारी ते बंदरात नांगर टाकेल. पाकिस्तानातील ऊर्जा टंचाईच्या पार्श्वभूमीवर या तेलाचे आगमन अत्यंत महत्त्वाचे मानले जात आहे.इराणची कोंडी, अमेरिकेची नजरएकीकडे पाकिस्तानचे जहाज बाहेर पडले असले, तरी इराणची मात्र मोठी कोंडी झाली आहे. मार्च महिन्यापर्यंत इराण दिवसाला १७ लाख बॅरल तेल निर्यात करत होता, जे आता जवळपास शून्यावर आले आहे. ओमानच्या किनाऱ्यापासून ते थेट भारत-पाकिस्तानच्या सीमेपर्यंत अमेरिकन नौदलाने नकाशा आखून हा समुद्र रोखून धरला आहे. आता अमेरिका आणि इराणमध्ये चर्चेची नवी फेरी सुरू होणार की हा तणाव आणखी वाढणार, याकडे संपूर्ण जगाचे लक्ष लागले आहे.

International (Marathi News)

अमेरिकेचे राष्ट्राध्यक्ष डोनाल्ड ट्रम्प यांनी शुक्रवारी इराणला कडक शब्दांत इशारा दिला आहे. ...

महाराष्ट्रासह देश-विदेशातील महत्त्वाच्या घडामोडींचे लाइव्ह अपडेट्स... ...

अमेरिकेने होर्मुजच्या सामुद्रधुनीत केलेल्या नाकेबंदीतून पाकिस्तानचे 'शलामार' जहाज यशस्वीपणे बाहेर पडले आहे. ...