जबलपूर हादरले! वादळामुळे बर्गी धरणात क्रूझ उलटली; ४० पैकी ५ जणांचे मृतदेह सापडले

Bargi Dam Cruise Accident: मध्य प्रदेशातील जबलपूरमध्ये मोठी दुर्घटना. बर्गी धरणात पर्यटकांची क्रूझ वादळामुळे उलटली. ४ पर्यटकांचा मृत्यू झाला असून शोधमोहीम सुरू आहे. वाचा सविस्तर अपडेट्स.

मध्य प्रदेशातील जबलपूर येथील प्रसिद्ध पर्यटन स्थळ असलेल्या बर्गी धरणात आज एक भीषण दुर्घटना घडली. सायंकाळच्या सुमारास आलेल्या वेगवान वादळामुळे पर्यटकांनी भरलेली एक क्रूझ धरणाच्या पाण्यात उलटली. या दुर्दैवी घटनेत आतापर्यंत ४ पर्यटकांचा मृत्यू झाला असून अनेक जण बेपत्ता असल्याचे सांगण्यात येत आहे.

मिळालेल्या माहितीनुसार, क्रूझमध्ये क्षमतेपेक्षा जास्त पर्यटक सवार होते. अचानक हवामान बदलल्याने आणि सोसाट्याचा वारा सुटल्याने क्रूझचे संतुलन बिघडले आणि ती मध्यधारेत उलटली. दुर्घटनेच्या वेळी क्रूझमध्ये सुमारे १५ ते २० लोक असल्याचे प्राथमिक वृत्त आहे. स्थानिक नाविक आणि बचाव पथकाने तत्काळ धाव घेत काही जणांना वाचवण्यात यश मिळवले आहे.

बचावकार्य सुरू 
घटनेची माहिती मिळताच जिल्हा प्रशासनाचे अधिकारी आणि SDRF चे पथक घटनास्थळी दाखल झाले आहे. अंधारामुळे बचावकार्यात अडथळे येत असले तरी शोधमोहीम सुरू आहे. बुडालेल्या व्यक्तींची ओळख पटवण्याचे काम सुरू असून जखमींना जवळच्या रुग्णालयात दाखल करण्यात आले आहे.

पर्यटन क्षेत्रात शोककळा
बर्गी धरणातील 'क्रूझ सफारी' हे पर्यटकांचे मुख्य आकर्षण आहे. मात्र, सुरक्षेच्या नियमांचे उल्लंघन झाले होते का? किंवा वादळाचा इशारा असतानाही क्रूझ पाण्यात का नेली? असे प्रश्न आता उपस्थित केले जात आहेत. मुख्यमंत्री कार्यालयाने या घटनेची दखल घेतली असून मृतांच्या नातेवाईकांना मदत जाहीर करण्याची शक्यता आहे.