जळगाव ताज्या मराठी बातम्या | Jalgaon Online News in Marathi at Lokmat.com

जळगाव : शिक्षक हक्क कायद्यांतर्गत समाजातील दुर्बल व वंचित घटकातील बालकांसाठी विनाअनुदानित स्वयंअर्थसहायित शाळांमध्ये २५ टक्के जागांवर गुरुवारपासून प्रवेशनिश्चिती सुरू झाली. पण पहिल्याच दिवशी सर्व्हर डाऊन होते.जळगाव जिल्ह्यातील २८१ शाळांमधील ३०८१ जागांसाठी ११,२९० अर्ज आले होते. एका जागेसाठी सरासरी तीन अर्ज होते. राज्यस्तरीय लॉटरीतून २९८३ बालकांची निवड यादी प्रसिद्ध करण्यात आली आहे. या विद्यार्थ्यांच्या पालकांना मोबाईल क्रमांकावर एसएमएस केले जात आहेत. निवड झालेल्या बालकांची कागदपत्रे गटसाधन केंद्र, पंचायत समिती या ठिकाणी तपासली जाणार आहेत.प्रवेश निश्चितीसाठी २५ एप्रिलपर्यंतची मुदत आहे. त्याची सुरुवात गुरुवार (दि.१३) पासून झाली. परंतु, पहिल्याच दिवशी संकेतस्थळ स्लो असल्याचा अनुभव पालकांना आला. त्यामुळे त्यांना प्रवेशाबाबत माहिती घेण्यासाठी वारंवार प्रयत्न करावे लागत होते.रिसीट आठवणीने घ्या..प्रवेश पात्र बालकाच्या पालकांनी पडताळणी समितीकडे जाऊन विहित मुदतीत आपला प्रवेश ऑनलाइन निश्चित करायचा आहे. प्रवेश ऑनलाईन निश्चित झाला आहे याची रिसीट पडताळणी समितीकडून घेणे आवश्यक असल्याचे आवाहन करण्यात आले आहे.हे सोबत राहू द्या..निवड यादीतील प्रवेश पात्र बालकाच्या पालकांनी अर्ज भरताना जी कागदपत्रे नोंदविली आहेत, त्या सर्व कागदपत्रांच्या मूळ प्रति आणि साक्षांकित प्रति त्यांनी सोबत ठेवाव्यात. अलॉटमेंट लेटरची प्रिंट पालकांनी आपल्या लॉगिनमधून किंवा पडताळणी समितीकडे जाऊन काढावी काढून घ्यावी. पालकांनी आरटीई पोर्टलवर असलेली हमी पत्राची प्रिंट देखील सोबत ठेवावी.वेटिंगवरील विद्यार्थ्यांनाही संधीनिवड यादीतील विद्यार्थ्यांनी प्रवेश घेण्याची मुदत संपल्यानंतर मगच प्रतीक्षा यादीतील विद्यार्थ्यांना अनुक्रमे एसएमएस पाठवले जाणार आहेत. राज्यात ९४,७०० विद्यार्थ्यांची निवड यादी आहे, तर प्रतीक्षा यादीत ८११२९ विद्यार्थ्यांचा समावेश आहे.

जळगाव, मराठी बातम्याFOLLOW

Jalgaon, Latest Marathi News

अद्याप मृतदेहाची ओळख पटलेली नसून नातेवाईकांना ओळख पटविण्याचे आवाहन पोलिसांनी केले आहे. ...

गुरुवारी रात्री चोपड्यानजीक सत्रासेन घाटात करण्यात आली कारवाई ...

केळी उत्पादक शेतकऱ्यांची आजची स्थिती नाजूक आहे. ...

दत्तू कोळी यांच्या शिक्षेला सर्वोच्च न्यायालयाची स्थगिती असल्याने त्यांचा यात समावेश नाही. ...

व्यावसायिक वापर केल्याची तक्रार : लकी टेलर व नीलेश चौधरी यांच्या मालकीची जागा ...

शासनाकडून परिवहन विभागाला १७५ कोटी महसूल वसूलीचे उद्दिष्ट देण्यात आले होते. ...

जळगाव जिल्ह्यातील २८१ शाळांमधील ३०८१ जागांसाठी ११,२९० अर्ज आले होते. एका जागेसाठी सरासरी तीन अर्ज होते. ...