CoronaVirus News : आनंदाची बातमी! देशात कोरोनाचा उद्रेक होत असताना 'ही' आकडेवारी सुखावणारी

By ऑनलाइन लोकमत | Published: August 17, 2020 08:30 AM2020-08-17T08:30:20+5:302020-08-17T08:59:29+5:30

CoronaVirus Marathi News and Live Updates: देशातील कोरोनाबाधितांची संख्य़ा भयावह स्थितीत असून दिवसाला 60 हजार पेक्षा अधिक रुग्ण सापडू लागले आहेत. त्यापेक्षा अधिक भीतीदायक मृत्यूंची संख्या आहे.

कोरोना व्हायरसने जगभरात भीतीचे वातावरण निर्माण केले आहे. सातत्याने वाढणाऱ्या रुग्णांच्या संख्येने चिंतेत भर पडत आहे. जगभरात कोरोनाने थैमान घातले आहे.

जगभरात कोरोनाग्रस्तांच्या संख्येने दोन कोटींचा टप्पा पार केला आहे. तर सात लाखांहून अधिक लोकांचा मृत्यू झाला आहे. एकूण रुग्णांची संख्या ही 21,824,807 वर पोहोचली आहे.

तब्बल 773,032 लोकांना कोरोनामुळे आपला जीव गमवावा लागला आहे. तर देशातही कोरोनाचा कहर पाहायला मिळत आहे. रुग्णांची संख्या ही दिवसागणिक वाढत आहे.

देशातील कोरोनाबाधितांची संख्य़ा भयावह स्थितीत असून दिवसाला 60 हजार पेक्षा अधिक रुग्ण सापडू लागले आहेत. त्यापेक्षा अधिक भीतीदायक मृत्यूंची संख्या आहे.

एकूण कोरोना बळींची संख्या 50000 होण्यासाठी केवळ 20 मृत्यू कमी आहेत. देशात गेल्या 24 तासांत कोरोना व्हायरसच्या 63,489 नव्या रुग्णांची भर पडली. तर 944 जणांचा मृत्यू झाला आहे.

60 हजारपेक्षा जास्त रुग्ण सापडणारा हा सलग नववा दिवस आहे. संक्रमितांचा एकूण आकडा 25 लाख 89 हजारांवर गेला आहे. मात्र याच दरम्यान एक दिलासादायक माहिती समोर आली आहे.

बरे होणाऱ्या रुग्णांचा आकडा 18 लाखांवर गेला आहे. तसेच कोरोना चाचण्यांमध्येही वाढ झाली आहे. इतर देशांच्या तुलनेत भारताचा मृत्यूदर हा कमी आहे.

भारताचा मृत्यू दर हा सध्या 1.93 टक्के आहे. मात्र तो कमी देखील होत आहे. मोठ्या प्रमाणात देशात सुरू असलेल्या चाचण्यांमुळे मृत्यू दरात घट होत असल्याचं म्हटलं जात आहे.

कोरोना चाचणीमुळे रुग्णांची माहिती लवकर मिळण्यास मदत होत आहे. तसेच त्यामुळे उपचारही लवकरात लवकर केले जात आहे. त्यामुळे बऱ्यापैकी नियंत्रण मिळवण्यात यश येत आहे.

आयसीएमआरने जारी केलेल्या आकडेवारीनुसार 15 ऑगस्टपर्यंत एकूण 2,93,09,703 नमुन्यांची तपासणी करण्यात आली आहे. शनिवारी एकाच दिवसात 7,46,608 चाचण्या करण्यात आल्या.

रविवारी सकाळी जाहीर केलेल्या आकडेवारीनुसार, गेल्या 24 तासांत झालेल्या मृत्यूमुळे एकूण मृतांचा आकडा 49,980 झाला आहे. तर अनेकांवर उपचार सुरू आहेत.

एकूण कोरोनाबाधितांपैकी 6,77,444 लोकांवर उपचार सुरु आहेत. 18,62,258 रुग्ण उपचारानंतर बरे झाले आहेत. यामध्ये काही परदेशी नागरिकही आहेत.

सर्वाधिक कोरोना रुग्ण असलेल्या देशांच्या आकडेवारीत भारत दुसऱ्या स्थानी पोहोचला आहे. याआधी दुसऱ्या स्थानी ब्राझील होता. मात्र भारताने आता ब्राझीलला देखील मागे टाकले आहे.

कोरोनाने प्रगत देशांना हतबल केले आहे. जगात सर्वाधिक कोरोना रुग्णांची संख्या ही महासत्ता अशी ओळख असणाऱ्या अमेरिकेत आहे. तसेच तेथील मृत्यूचे प्रमाण ही सर्वात जास्त आहे.

कोरोनाग्रस्तांची संख्या वाढ असतानाच अनेकांनी कोरोनावर यशस्वीरित्या मात देखील केली आहे. जगभरात आतापर्यंत तब्बल 14,558,328 लोक बरे झाले आहेत.