Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

औरंगाबाद, दि. 13 - मुंबई विद्यापीठाच्या रखडलेल्या उत्तरपत्रिका तपासण्यासाठी डॉ. बाबासाहेब आंबेडकर मराठवाडा विद्यापीठाकडे प्रभारी कुलगुरू डॉ. देवानंद शिंदे यांनी मदतीची मागणी केली आहे. या मागणीला विद्यापीठाच्या अधिका-यांनी तात्काळ होणार दिल्यामुळे मुंबई विद्यापीठाचे अधिकारी सोमवारी विद्यापीठात दाखल होणार असल्याची माहिती सूत्रांनी दिली.मुंबई विद्यापीठाने घेतलेल्या सर्व अभ्यासक्रमांच्या उत्तरपत्रिका आॅनलाईन तपासण्याचा निर्णय कुलगुरू डॉ. संजय देशमुख यांनी घेतला. मात्र हा निर्णय पूर्णपणे आंगलट आला आहे. चार महिन्यांपासून बहुतांश अभ्यासक्रमांचे निकाल रखडले आहेत. राज्यपाल सी. विद्यासागर राव यांनी कुलगुरूंना ३१ जुलैपर्यंत निकाल जाहीर करण्याची डेडलाईन दिली होती. ही डेडलाईन पाळण्यासाठी मुंबई विद्यापीठाने नागपूर, पुणे आणि औरंगाबादेतील विद्यापीठाकडे आॅनलाईन उत्तरपत्रिका तपासण्याची विनंती केली होती. नागपूर, पुण्याच्या विद्यापीठात उत्तरपत्रिका तपासणीला सुरूवात झाली. मात्र औरंगाबादच्या विद्यापीठात तांत्रिक अडचणींमुळे उत्तरपत्रिका तपासण्यासाठी डाऊनलोडच झाल्याच नाहीत. या तांत्रिक अडचणी सोडविण्याचा प्रयत्न केला. मात्र यश आले नाही. यामुळे मुंबई विद्यापीठाचे अधिकारी ३० जुलै रोजी मुंबईकडे रवाना झाले. राज्यपालांनी दिलेली डेडलाईन हुकली. यानंतर ५ आॅगस्टची डेडलाईन मिळाली. ती सूध्दा पाळता आली नाही. शेवटी कुलगुरू डॉ. संजय देशमुख यांना सक्तीच्या रजेवर पाठवत त्यांचा पदभार कोल्हापूरच्या विद्यापीठाचे कुलगुरू डॉ. देवानंद शिंदे यांच्याकडे सोपविण्यात आला. हा पदभार स्विकारताच डॉ. शिंदे यांनी निकाल जाहीर करण्यासाठी युध्दपातळीवर प्रयत्न सुरू केले आहे. डॉ. शिंदे हे डॉ. बाबासाहेब आंबेडकर मराठवाडा विद्यापीठाचे प्राध्यापक असल्यामुळे त्यांनी मातृसंस्थेकडे उत्तरपत्रिका तपासण्यात मदत करण्याची विनंती केल्याचे समजते. या विनंतीला मान देत विद्यापीठाच्या अधिका-यांनी सर्वतोपरी सहकार्य करण्याची तयारी दर्शविली आहे. यानुसार मुंबई विद्यापीठाचे अधिकारी सोमवारी विद्यापीठात दाखल होणार असून, वाणिज्य आणि व्यवस्थापनशास्त्राच्या उत्तरपत्रिका तपासण्यासंदर्भात निर्णय होणार आहे. यासाठी १०० प्राध्यापक उपलब्ध करून देण्यात येणार आहेत.

Maharashtra (Marathi News)

जिल्ह्यातील ग्रामसेवक संवर्गातील कालबद्ध पदोन्नती मागील अनेक वर्षांपासून निकाली काढण्यात आल्या नसल्याने ..... ...