Latest Marathi News

पूर्णा : पावसाळ्यातील तीन महिने उलटूनही पुरेसा पाऊस न झाल्याने पूर्णा शहराला पाणीपुरवठा करणाऱ्या पूर्णा नदीचे पात्र कोरडेठाक पडले आहे़ यामुळे शहराला होणारा पाणीपुरवठा तब्बल आठ दिवसांपासून बंद झाला आहे़ त्यामुळे नागरिकांना भर पावसाळ्यात पिण्याच्या पाण्यासाठी भटकंती करावी लागत आहे़ नगरपालिकेच्या वतीने पूर्णा शहराला पूर्णा नदीपात्रातून पाणीपुरवठा केला जातो़ गतवर्षी पावसाचे प्रमाण समाधानकारक असल्यामुळे उन्हाळ्यात पाण्याची कमतरता भासली नाही़ उपलब्ध पाणीसाठ्यामुळे शहरातील हातपंपांनाही चांगले पाणी राहिले़ परंतु, यंदाच्या पावसाळ्यात पूर्णा तालुक्यात दमदार पावसाने हजेरी लावली नाही़ त्यामुळे नद्या, पाझर तलाव, बंधारे कोरडेठाक पडले आहेत़ पावसाळ्याचे तीन महिने उलटले तरीही पाऊस म्हणावा तसा पडलाच नाही़ त्यामुळे नगरपालिकेच्या वतीने पूर्णा नदीच्या पात्रातून शहराला पाणीपुरवठा केला जातो़ परंतु, पूर्णा नदीतील पाणीसाठा अत्यल्प राहिल्याने पुर्णेकरांना भर पावसाळ्यात पाण्यासाठी भटकंती करण्याची वेळ आली आहे़ नगरपालिकेने उन्हाळ्यात सिद्धेश्वर धरणातून पाणी घेतले होते़ त्यानंतर पुढील उपाय योजना करणे अपेक्षित होते़ परंतु, याकडे दुर्लक्ष झाले़ आता सिद्धेश्वर व येलदरी धरणात अत्यल्प पाणीसाठा असल्याने पाणी मिळणे दुरापास्त झाले आहे़ अशा अवस्थेत पुर्णेकरांना आता पिण्याच्या पाण्यासाठीही भटकंती करण्याची वेळ आली आहे़ (प्रतिनिधी)

कोशिंबे वनपरीक्षेत्रातील सुरक्षारक्षकावर बिबट्याचा हल्ला ...

पारंपरिक कलाकौशल्य अनेकांचा रोजगार बनले आहे. कमच्यांपासून टोपले बनविणाऱ्या ...

१५ दिवसांत परवानगी : नितीन गडकरी यांची ग्वाही+ ...

पाठपुरावा : आयुक्तांनी दिली तांत्रिक मंजुरी ...

पीककर्ज : २२ हजार हेक्टरवरील पिके बाधीत; ७९ हजार शेतकऱ्यांना बसला फटका ...

प्रचंड गोंधळ, खडाजंगी : सुनील कदम यांच्या दिशेने कागदाचे बोळे भिरकावले; विरोधकांची समांतर सभा ...

दरवर्षी पैनगंगा नदीच्या पुराचा तडाखा बसणाऱ्या रेडझोनमधील गावांचे अद्यापही पुनर्वसन करण्यात आलेले नाही. ...

दसवेलजवळ अपघातात तरुण ठार ...