Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

पती-पत्नीचे नाते हे सगळ्यात पवित्र बंधन मानले जाते. मात्र, या विश्वाच्या नात्याला तडा देणारी धक्कादायक घटना बिहारमध्ये घडली आहे. पत्नीच्या कथित अनैतिक संबंधांना विरोध करणे एका कनिष्ठ अभियंत्याला चांगलेच महागात पडले आहे. पत्नीला तिच्या प्रियकरासोबत रंगेहाथ पकडल्यानंतर पतीने जाब विचारला असता, संतप्त प्रियकराने भररस्त्यातच त्या अभियंत्याला बेदम मारहाण केली. एवढेच नाही तर, त्याने पिस्तूलच्या बटचा वापर करून पतीच्या चेहऱ्यावर वार केले. या घटनेने परिसरात एकच खळबळ उडाली आहे.नेमकी घटना काय?समोर आलेल्या माहितीनुसार, पीडित कनिष्ठ अभियंता शुक्रवारी आपल्या पत्नीचा शोध घेत असताना त्यांना ती तिलका मांझी चौक परिसरात एका तरुणासोबत दिसली. समोर पत्नीला प्रियकरासोबत पाहून अभियंता थबकले आणि त्यांनी दोघांना थांबवून जाब विचारला. यावरून त्यांच्यात बाचाबाची सुरू झाली. देखते-देखता वादाचे रूपांतर हाणामारीत झाले. आरोपीने अचानक पिस्तूल काढून अभियंत्यावर जीवघेणा हल्ला चढवला.पत्नीचे ३ वर्षांपासून सुरू होतं प्रकरणपीडित अभियंत्याने दिलेल्या फिर्यादीनुसार, त्यांची पत्नी मायागंज रुग्णालयात जीएनएम पदावर कार्यरत आहे. तर, आरोपी सुजित मंडल हा त्याच रुग्णालयात कंत्राटी डेटा ऑपरेटर म्हणून काम करतो. पत्नी आणि सुजित यांच्यात गेल्या ३ वर्षांपासून अनैतिक संबंध सुरू असल्याचा आरोप पीडित पतीने केला आहे. त्यांनी यापूर्वीही सुजितला पत्नीपासून दूर राहण्याची ताकीद दिली होती, मात्र सुजितने उलट त्यांनाच ठार मारण्याची धमकी दिली होती. आरोपी आपल्या कुटुंबातील एका बड्या पोलीस अधिकाऱ्याचा धाक दाखवून त्यांना धमकावत असे.बेशुद्ध होईपर्यंत मारहाणया हल्ल्यादरम्यान आरोपी सुजितने पिस्तूलच्या बटचा वापर करून अभियंत्याच्या चेहऱ्यावर आणि तोंडावर वार केले. जबर मारहाणीमुळे पीडित गंभीर जखमी होऊन रक्ताच्या थारोळ्यात खाली कोसळले. ते बेशुद्ध पडले असतानाही आरोपी सुजितने त्यांना मारहाण करणे थांबवले नाही. जवळच्या लोकांनी धाव घेतल्यानंतर सुजितने तिथून पळ काढला. उपस्थितांनी तातडीने जखमी अभियंत्याला रुग्णालयात उपचारासाठी दाखल केले. या प्रकरणी पीडित अभियंत्याने बरारी पोलीस ठाण्यात सुजित मंडल विरोधात गुन्हा दाखल केला आहे. पोलीस आरोपीचा शोध घेण्यासाठी ठिकठिकाणी छापे टाकत आहेत.

Crime (Marathi News)

महाराष्ट्राच्या संस्कृतीला काळिमा फासल्याची खंत ...

हाजी अली मोहम्मद हकीम आणि इरफान मैशेर कुरेशी अशी दोघांची नावे ...

मॅनेजर जय मुकेश मेहता याने २०१८ मध्ये केवायसीच्या बहाण्याने वृद्धेशी संपर्क साधला ...

शेडमध्ये कारचालक कार लावत असताना तेथे अंधार होता, अंधारात शेडमध्ये झोपलेली मुलगी कारचालकाला दिसली नाही ...

पत्नीच्या कथित अनैतिक संबंधांना विरोध करणे एका कनिष्ठ अभियंत्याला चांगलेच महागात पडले आहे. ...