Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

उत्तर प्रदेशातील अलिगड जिल्ह्यातून छेड काढणाऱ्या तरुणाला चांगलाच धडा शिकवल्याचा व्हिडीओ समोर आला आहे. बऱ्याच दिवसांपासून त्रास देणाऱ्या तरुणाची एका महिलेने कॉलर धरून पोलीस ठाण्यासमोरच चपलेनी त्याची जोरदार धुलाई केली. या घटनेचा व्हिडीओ सध्या सोशल मीडियावर तुफान व्हायरल होत आहे.'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!गंगीरी पोलीस ठाण्याच्या परिसरातील ही घटना आहे. व्हायरल झालेला व्हिडीओ सुमारे ५२ सेकंदांचा असून, त्यात साडी नेसलेली एक महिला प्रचंड संतापलेली दिसत आहे. संबंधित तरुण गेल्या अनेक दिवसांपासून या महिलेची छेड काढून तिला त्रास देत होता आणि तिला बदनाम करण्याची धमकीही देत होता.जेव्हा महिला आणि तिचा पती पोलीस ठाण्यात तक्रार देण्यासाठी पोहोचले, तेव्हा आरोपी तरुण तिथेच उभा असल्याचं त्यांना दिसलं. त्याला पाहताच संतापलेल्या पतीने त्याला रस्त्यावर पाडलं. त्यानंतर जे घडले ते पाहून सर्वच थक्क झाले. महिलेने आपली चप्पल काढली आणि अवघ्या ३५ सेकंदात त्या तरुणाच्या डोक्यावर, चेहऱ्यावर आणि छातीवर ३७ वेळा मारलं. महिला एवढ्यावरच शांत झाला नाही, तर तिने त्याला पायानेही तुडवलं.धक्कादायक बाब म्हणजे हा सर्व प्रकार पोलीस ठाण्याच्या अगदी समोरच घडत होता. व्हिडिओमध्ये एक पोलीस कर्मचारी बाजूला उभा राहून फोनवर बोलताना दिसत आहे. पोलिसांच्या या भूमिकेवर आता सोशल मीडियावर प्रश्नचिन्ह उपस्थित केलं जात आहे, पोलिसांसमोरच कायदा हातात घेतला जात असताना ते गप्प का बसले असा सवाल विचारला जात आहे. बराच वेळ हा प्रकार चालल्यानंतर एका उपनिरीक्षकाने यात हस्तक्षेप केला आणि तरुणाला महिला व तिच्या पतीच्या तावडीतून सोडवून पोलीस ठाण्यात नेलं.महिलेचं म्हणणं आहे की, आरोपीच्या वागण्यामुळे ती आणि तिचं कुटुंब मानसिकदृष्ट्या कोलमडून गेलं होतं. तो वारंवार तिचा छळ करत होता. जेव्हा सहनशक्ती संपली, तेव्हा स्वतःच त्याला धडा शिकवण्याचा निर्णय घेतल्याचं तिने सांगितलं. सध्या पोलिसांनी दोन्ही बाजूंने चौकशी सुरू केली आहे. अद्याप पोलिसांकडून कोणतंही अधिकृत वक्तव्य जारी करण्यात आले नसलं तरी या घटनेची संपूर्ण परिसरात जोरदार चर्चा सुरू आहे.

Crime (Marathi News)

रेणापुरात ढाब्यावर मित्रांच्या दोन गटात राडा; अंधाराचा फायदा घेत सर्वच आराेपी पळाले ...

साता जन्माची शपथ अन् अर्ध्या वाटेतच सोडली साथ! जालन्यातील 'त्या' मृत पत्नीची करुण कहाणी; पतीचा शोध सुरू ...

"दोन दिवसात बघून घेतो..." पोलिसांना धमकी देत दांपत्याची धक्काबुक्की; दामिनी पथकाने आवळल्या मुसक्या ...

छेड काढणाऱ्या तरुणाला चांगलाच धडा शिकवल्याचा व्हिडीओ समोर आला आहे. ...