वाशिम ताज्या मराठी बातम्या | washim Online News in Marathi at Lokmat.com

वाशिम : जिल्हा स्त्री रुग्णालय परिसरातील सरकारी जिल्हा कोविड रुग्णालयात स्वच्छतेचा बोजवारा उडत असल्याने रुग्णांना कोरोनाबरोबरच मनस्तापही सहन करावा लागत असल्याचा प्रकार २० मे रोजी समोर आला. यासंदर्भातील चित्रिकरण व छायाचित्र हे समाज माध्यमांमध्ये ‘व्हायरल’ झाले असून, स्वच्छतेसंदर्भात आरोग्य विभागासह प्रशासन कोणते पाऊल उचलते याकडे रुग्णांसह नातेवाईकांचे लक्ष लागून आहे.दुसºया लाटेत जिल्ह्यात कोरोनाबाधितांची संख्या वाढत असल्याने कोविड केअर सेंटर, कोविड रुग्णालय यासह खासगी कोविड हॉस्पिटलला मंजूरी देण्यात येत आहे. वाशिम येथे जिल्हा स्त्री रुग्णालय परिसरात जिल्हा कोविड रुग्णालय असून, येथे आॅक्सिजनसह व्हेंटिलेटर बेडची सुविधा उपलब्ध आहे. मध्यम व गंभीर स्वरुपाची लक्षणे असणाºया रुग्णांना येथे उपचारार्थ दाखल केले आहे. दरम्यान येथे नियमित स्वच्छता होत नसल्याचा आरोप रुग्ण व नातेवाईकांमधून केला जात आहे. २० मे रोजी यासंदर्भात छायाचित्र व चित्रिकरण हे समाज माध्यमांमध्ये व्हायरल झाले आहे. बेडजवळ असलेल्या कचराकुंडीत केरकचरा व अन्य टाकाऊ साहित्य पडून असल्याचे या चित्रिकरणात दिसून येत असून, याकडे संबंधित प्रशासनाचे दुर्लक्ष होत असल्याचा आरोपही करण्यात आला. शौचालयाची सफाईदेखील नियमित होत नसून, यामुळे रुग्णांना मनस्ताप सहन करावा लागत असल्यासंदर्भातील आॅडिओ क्लिपही व्हायरल झाल्या आहेत. याकडे संबंधित यंत्रणेने लक्ष देण्याची मागणी रुग्ण व नातेवाईकांमधून होत आहे. जिल्हा कोविड रुग्णालयातील स्वच्छता, साफसफाई नियमित केली जात आहे. आज संबंधित सफाई कामगाराकडून सकाळच्या सुमारास थोडा विलंब झाला होता. यासंदर्भातील माहिती मिळताच तातडीने स्वच्छता व साफसफाई करण्यात आली. स्वच्छतेसंदर्भात दिरंगाई करू नये, अशा सूचना संबंधितांना देण्यात आल्या.- डॉ. मधुकर राठोडजिल्हा शल्य चिकित्सक जिल्हा कोविड रुग्णालयातील एका रुग्णाच्या नातेवाईकाने आपल्याशी मोबाईलवर संपर्क साधून अस्वच्छतेसंदर्भात व्यथा मांडल्या. सोबतच छायाचित्र व व्हिडिओदेखील पाठविले. या प्रकाराची माहिती संबंधितांना देण्यात आली. नियमित स्वच्छता करून रुग्णांना चांगल्या सुविधा मिळाव्या, अशी अपेक्षा आहे.- मनिष मंत्रीजिल्हा सचिवव्यापारी मंडळ, वाशिम

वाशिम, मराठी बातम्याFOLLOW

Washim, Latest Marathi News

Washim News : ग्रामीण भागात स्वतंत्र शौचालय व स्वच्छतागृहाची सुविधा नसतानाही गृहविलगीकरणाला परवानगी देण्यात येत आहे. ...

Washim News : भुईमुगाला शेंगा नसल्याने शेतकºयाने शेतात ट्रॅक्टर फिरवून पिक नष्ट केले. ...

Corona Cases in Washim : २२ मे रोजी आणखी १४ जणांच्या मृत्यूची नोंद झाली, तर ३१२ जणांचा कोरोना चाचणी अहवाल पॉझिटिव्ह आला. ...

Mucormycosis News : वेळीच उपचार घेण्याचे आवाहन जिल्हा शल्य चिकित्सक डॉ. मधुकर राठोड यांनी लोकमतसोबत संवाद साधताना केले आहे. ...

Washim News : मालेगाव तालुक्यातील १५ गावांना पाणीटंचाईच्या झळा सहन कराव्या लागत आहेत. ...

रानडुक्कराच्या धडकेनंतर चालकाचे नियंत्रण सुटल्याने जीप रस्त्याच्या बाजूला जाऊन उलटली. ...

Washim News : बेडजवळ असलेल्या कचराकुंडीत केरकचरा व अन्य टाकाऊ साहित्य पडून असल्याचे या चित्रिकरणात दिसून येत आहे. ...