Video: "नरेंद्र मोदी हे दहशतवादी"; काँग्रेस अध्यक्ष मल्लिकार्जुन खर्गेंचे धक्कादायक वक्तव्य, नंतर केली सारवासारव...

Kharge terrifying remark on Modi Video: मल्लिकार्जुन खर्गे यांनी चेन्नईत पंतप्रधान मोदींवर केलेल्या टीकेमुळे वाद निर्माण झाला आहे. खर्गे यांनी संस्थांच्या गैरवापरावरून मोदींना "धमकावणारे" म्हटले आहे.

विधानसभा निवडणुकांच्या पार्श्वभूमीवर काँग्रेस अध्यक्ष मल्लिकार्जुन खर्गे यांनी पंतप्रधान नरेंद्र मोदींवर टीका केली आहे. चेन्नईत आयोजित पत्रकार परिषदेत खर्गे पंतप्रधान नरेंद्र मोदी यांना दहशतवादी असे संबोधले आहे. यामुळे मतदान तोंडावर आल्यानंतर देशात मोठा वाद उफाळून येणार आहे. 

काँग्रेस अध्यक्ष मल्लिकार्जुन खर्गे म्हणाले की, "AIADMK मोदींशी हातमिळवणी कशी करू शकतात? ते एक दहशतवादी आहेत. आणि ते असे व्यक्ती आहेत ज्यांचा समानतेवर विश्वास नाही. त्यांच्या पक्षाचाही समानता आणि न्यायावर विश्वास नाही. आणि हे लोक त्यांच्याशी हातमिळवणी करत आहेत. AIADMK लोकशाही कमकुवत करत असून ते पेरियार आणि आंबेडकरांच्या विचारांच्या विरोधात काम करत आहेत'' मात्र, काही वेळातच खड़गे यांनी यावर स्पष्टीकरण देऊन आपली बाजू सावरण्याचा प्रयत्न केला.

खर्गे पुढे म्हणाले की, "पंतप्रधान मोदी हे लोकांना आतंकित करत आहेत. आयटी, ईडी आणि इतर स्वायत्त संस्थांचा वापर करून ते विरोधकांना आणि सर्वसामान्यांना धमकावत आहेत. मी केवळ हे स्पष्ट करत होतो की ते हुकूमशाही पद्धतीने काम करत आहेत."

Chennai, Tamil Nadu: Congress President Mallikarjun Kharge says, "How can they (AIADMK) join with Modi? He is a terrorist. And he who won't believe in equality. His party won't believe in equality and justice. And these people are joining with them, it means that they are… pic.twitter.com/qymq7H54Z7

— IANS (@ians_india) April 21, 2026