Satara Marathi News | सातारा मराठी बातम्या | Latest Satara News in Marathi | सातारा ताज्या बातम्या | Satara Crime Marathi News | सातारा ब्रेकिंग न्यूज़| Breaking & Live Satara News | Satara Local News Update| Today's Satara News paper

औंध : ‘खटाव तालुक्यात जिल्हा बँकेच्या माध्यमातून फळबाग शेती, कुक्कुटपालन, ग्रीन हाऊस, दुग्धव्यवसाय यांसारख्या उद्योग व्यवसायासाठी बँकेने सकारात्मक भूमिका घेऊन शेतकऱ्यांना कर्जपुरवठा केला आहे. शेतकऱ्यांनी आधुनिक तंत्रज्ञानाचा उपयोग शेतीत करावा, त्यासाठी लागणाऱ्या अडीअडचणी सोडविण्यासाठी बँक शेतकऱ्यांच्या पाठीशी उभी राहील,’ अशी ग्वाही माजी आमदार प्रभाकर घार्गे यांनी दिली.औंध येथे देशमुख दूध संकलनास त्यांनी भेट दिली. यावेळी उपस्थित शेतकऱ्यांना मार्गदर्शन करताना ते बोलत होते.यावेळी राष्ट्रवादी काँग्रेसचे जिल्हा सरचिटणीस हणमंतराव शिंदे, ग्रामपंचायत सदस्य अनिल माने, गणेश देशमुख, शिवाजी चव्हाण, सचिन पवार, गोविंद पवार याची उपस्थिती होती.घार्गे म्हणाले, ‘जिल्हा मध्यवर्ती बँकेने सामान्य शेतकरी समृद्ध व्हावा यासाठी विविध योजना राबवल्या आहेत. दुग्ध व्यवसाय हा शेतीला पूरक व्यवसाय आहे. शेतकऱ्यांचा विश्वास संपादन करून चिकाटीने केला तर यश मिळतेच.’ गणेश देशमुख यांनी आभार मानले. (वा.प्र.)१२औंध जाहिरातफोटो : औंध येथे दूध संकलन केंद्रात प्रभाकर घार्गे यांचा सत्कार करताना शिवाजी चव्हाण, शेजारी हणमंतराव शिंदे, गणेश देशमुख, अनिल माने आदी उपस्थित होते. (छाया : रशीद शेख)

Satara (Marathi News)