Sangli Marathi News | सांगली मराठी बातम्या | Latest Sangli News in Marathi | सांगली ताज्या बातम्या | Sangli Crime Marathi News | सांगली ब्रेकिंग न्यूज़| Breaking & Live Sangli News | Sangli Local News Update| Today's Sangli News paper

विटा : खानापूर मतदारसंघात भाजपचे पदाधिकारी व कार्यकर्त्यांत कलह निर्माण झाला असून पक्षाचे सांगली जिल्हा सचिव पंकज दबडे, अनुसूचित जाती मोर्चाचे प्रदेश उपाध्यक्ष संदीप ठोंबरे व विटा शहराध्यक्ष सौ. अर्चना पंकज दबडे या तीन प्रमुख पदाधिकारी यांनी आपल्या पदाचा तडकाफडकी राजीनामा दिला आहे.या राजीनामा सत्राचे नेमके कारण गुलदस्त्यात असले तरी याला पक्षांतर्गत कुरघोड्या व गटबाजीची किनार असल्याची चर्चा सुरू आहे. हे प्रमुख तीन पदाधिकारी आमदार गोपीचंद पडळकर यांचे विश्वासू समर्थक असल्याने आमदार पडळकर गटाला धक्का बसला आहे.आमदार गोपीचंद पडळकर यांचे विटा येथील खंदे समर्थक पंकज दबडे हे भाजपचे जिल्हा सचिव तर त्यांच्या पत्नी सौ. अर्चना दबडे या भाजपच्या विटा शहराध्यक्षा म्हणून पदावर कार्यरत होत्या. तसेच खानापूरचे संदीप ठोंबरे हे भाजपच्या अनुसूचित जाती मोर्चाचे प्रदेश उपाध्यक्ष पदावर काम करीत होते. हे तीनही प्रमुख पदाधिकारी आमदार गोपीचंद पडळकर यांचे निकटवर्तीय समर्थक मानले जात होते. या तिघांनी एकाच वेळी पक्षाकडे आपल्या पदाचा राजीनामा दिला. या राजीनामा अस्त्रामुळे खानापूर विधानसभा मतदारसंघात खळबळ उडाली आहे.पुढील राजकीय भूमिका काय..या राजीनामा सत्रानंतर पंकज दबडे यांनी येत्या दोन दिवसात आपली राजकीय भूमिका स्पष्ट करणार असल्याचे सांगितले. मात्र, राष्ट्रवादी अजित पवार गटाचे स्थानिक नेते त्यांच्या संपर्कात असल्याचे खात्रीलायक वृत्त असून पंकज दबडे नेमकी काय भूमिका घेणार? याकडे सर्वांच्या नजरा लागलेल्या आहेत.

Sangli (Marathi News)

जिल्हा परिषदेच्या प्रस्तावावर विभागीय आयुक्तांची कारवाई ...

खून करून आत्महत्या भासवण्याचा संशय ...

महापालिका आयुक्त, शिक्षण विभागाच्या अधिकाऱ्यांचे दुर्लक्ष ...

जेरीस आणून पक्षप्रवेशाचा खेळ ...

काही प्रमुख शिलेदार नाराज ...

कारवाईच्या अहवालावर अद्याप निर्णय नाही ...

कोल्हापूरच्या रांगड्या मातीतील स्नेहांकिता वरूटे यांचे मूळ गाव प्रयाग चिखली ...

पूर्ववैमनस्यातून दोन गटात हाणामारी: दोघे ताब्यात ...

हे प्रमुख तीन पदाधिकारी आमदार गोपीचंद पडळकर यांचे विश्वासू समर्थक ...