Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पिंपरी : पिंपरीतील हिंदुस्थान अॅन्टिबायोटिक्स कंपनीच्या (एच ए) मैदानात दोन दिवसांपूर्वी झालेल्या तरूणाच्या खुनाचा छडा लावण्यात पिंपरी पोलिसांना यश आले आहे. उसने घेतलेल्या अडीच हजार रूपयांवरून झालेल्या वादातून मित्रानेच त्याचा खून केल्याचे निष्पन्न झाले आहे.अक्षय दिनकर राऊत (वय २५, रा. गांधीनगर, पिंपरी) असे अटक केलेल्या आरोपीचे नाव आहे. अजय राजेश नागोसे (वय १९, रा. गांधीनगर, पिंपरी) असे खून झालेल्या तरूणाचे नाव आहे. अजय आणि अक्षय हे दोघे मित्र होते. काही दिवसांपूर्वी अक्षय याने अजयकडून अडीच हजार रुपये उसने घेतले होते. मात्र, बरेच दिवस उलटूनही अक्षयने ती रक्कम अजयला परत दिली नव्हती. यामुळे अजयने त्याच्याकडे पैशांसाठी तगादा लावला होता. दरम्यान, शनिवारी (दि. २१) रात्री आरोपी अक्षय आणि अजय हे सोबतच होते. ते पिंपरीतील नेहरुनगर येथील एच. ए. मैदानातून घरी निघाले होते. यावेळी त्यांच्यात पुन्हा पैशावरुन वाद झाला. अक्षय याने अजयच्या डोक्यात सिमेंटचा गट्टू आणि दगड मारुन खून केला.तसेच पुरावा नष्ट करण्यासाठी अजयचा मृतदेह पेटवून पसार झाला. दरम्यान, पोलीस तपास करीत असताना मिळालेल्या माहितीनुसार अक्षयला ताब्यात घेतले. त्याची कसून चौकशी केली असता त्याने गुन्ह्याची कबुली दिली. पोलीस अधिक तपास करीत आहेत.

Pimpri Chinchwad (Marathi News)

पिंपरी शहरातील ६१३ मोबाईल टॉवरपैकी ३५० टॉवर अनधिकृत आहेत.. ...

प्रत्येक वर्षी विचार बदलणारे आणि स्थिर मन नसणाऱ्यांशी युती होणार नाही. स्थिरमनाशी युती होईल, मनसेशी नाही. ...

नागरिकांची सजगता वाढली; ऑनलाइन तक्रारीचे प्रमाण ९५ टक्के ...

तरुणावर कोयत्याने वार करुन रोकड लंपास करण्यात आल्याचा प्रकार घडला होता ...

पवना धरणाच्या पाण्यातून यावर्षी ५४ कोटींचा विक्रमी महसूल जमा झाला आहे. ...

बरेच दिवस उलटूनही अक्षयने ती रक्कम अजयला परत दिली नव्हती. यामुळे अजयने त्याच्याकडे पैशांसाठी तगादा लावला होता. ...