Ashok Kharat : 'अंक' गणितच भोंदू अशोक खरातच्या अंगलट; शुभांक ९ मानून मोटारींसाठी निवडायचा क्रमांक

Ashok Kharat : अंकशास्त्रामध्ये निष्णात असल्याचा दावा करणारा भोंदू अशोक खरात स्वतः साठी ९ हा शुभांक समजायचा, त्यामुळेच त्याच्या दोन्ही मोटारींसाठी त्याने आरटीओमधून त्याच प्रकारचे 'चॉइस' क्रमांक घेतल्याचं तपासात पुढे आलं आहे.

अंकशास्त्रामध्ये निष्णात असल्याचा दावा करणारा भोंदू अशोक खरात स्वतः साठी ९ हा शुभांक समजायचा, त्यामुळेच त्याच्या दोन्ही मोटारींसाठी त्याने आरटीओमधून त्याच प्रकारचे 'चॉइस' क्रमांक घेतल्याचं तपासात पुढे आलं आहे. खरात याने अंकशास्त्र व भविष्य याचा दावा करत अनेकांना गंडा घालण्यासह महिलांचं लैंगिक शोषण केल्याने सध्या त्याच्यावर अनेक गुन्हे दाखल आहेत. मात्र आता अंकाचा खेळ खरात याच्यावरच उलटला आहे.

खरात याच्या नऊ या शुभांकाबाबत आता अनेक सुरस बाबी समोर येत आहेत. एका व्यावसायिकाकडून लाटलेल्या मर्सिडिजमधून त्याने सर्वत्र मिरविले. लोकांच्या श्रद्धेचा गैरफायदा घेत भोंदूने महिलांचा छळ व त्याच्या संपर्कात आलेल्या व्यावसायिकांची अनेक वर्षे फसवणूक, लुबाडणूक करत 'माया' जमविली; मात्र त्याच्या या काळ्या कारनाम्यांचं बिंग अखेर फुटलं अन् लोकांचं भविष्य सांगणाऱ्या भोंदूच्या हाती पोलिसांनी बेड्या ठोकल्या.

औषधे आणि केबिनमधील ठसे; भोंदू अशोक खरातच्या कार्यालयाची पथकाकडून पुन्हा झडती

खरात प्रकरणाने गल्लीपासून दिल्लीपर्यंतचे राजकारणसुद्धा ढवळून निघालं आहे. दररोज नवनवीन प्रकरणं बाहेर येत आहेत. शहर पोलिसांपासून थेट 'ईडी' पर्यंत पोहोचलेल्या या प्रकरणाची व्याप्तीही मोठी आहे. खरातने ज्या व्यावसायिकाकडून बळजबरीची 'मर्सिडिज बेन्ड्रा' ही कार 'गिफ्ट' म्हणून घेतली, त्या कारचा क्रमांक (एम.एच१५ जी.एल ८१८१) असा निवडला. ८१८१०१८ अशी बेरीज येते. १८. या अंकाचं जेव्हा एक अंकी रूपांतर केलं जातं तेव्हा ९ हा अंक तयार होतो. त्याचप्रमाणे त्याच्या बंगल्यात उभ्या असलेल्या दुसन्या एका काळ्या रंगाच्या मोटारीचा क्रमांक (२६बीएच ६४५३ई) असा घेतलेला आहे. या क्रमांकाचंही वरीलप्रमाणे बेरीज आणि एक अंकी रूपांतर केल्यास '९' असा अंक येतो.

भोंदू अशोक खरातचे ते 'पाप' ४६ वर्षे जुने; गावकऱ्यांनी दिलेला चोप, एका रात्रीत गाव सोडून पळाला

 "तुला मुलगाच होईल..." असं सांगून भोंदू अशोक खरातने गर्भवतीवर केले होते अत्याचार

...म्हणून '९' अंकाला पसंती

९ अंक हा बंधुत्व, वैश्विक कल्याण, पैसा, भाग्य, प्रवास, खेळ आणि घटनांची पूर्तता यांचे प्रतीक आहे असं अंकशास्त्रानुसार मानलं जातं. तसेच हा अंक समृद्धी, औदार्य आणि मानवतावादी कार्याशी जोडलेला आहे असंही मानलं जातं. तसेच पैसा आणि समृद्धी आकर्षित करण्याशी संबंधित असलेला अंक ९ आहे, असं सुद्धा अंकशास्त्रानुसार मानण्यात येतं. अंकशास्त्रानुसार, ९ या अंकाचा अधिपती ग्रह मंगळ असल्याचं सांगितलं जातं.