Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे : दारु पिऊन घरी येऊन मारहाण करणाºया पतीला भिती दाखविण्यासाठी तिने अंगावर थोडेसे पेट्रोल ओतून घेऊन मी मरते आता, असे म्हणाली, त्यावर पतीने काडी ओढून तिला पेटवून दिल्याचा प्रकार समोर आला आहे.याबाबत अमृता अक्षय कुंजीर (वय २३, रा. वळती, ता. हवेली) यांनी लोणी काळभोर पोलीस ठाण्यात फिर्याद दिली आहे. त्यावरुन पोलिसांनी अक्षय मारुती कुंजीर आणि आशा मारुती कुंजीर यांच्यावर गुन्हा दाखल केला आहे. हा प्रकार वळती गावातील फिर्यादीच्या घरी १२ सप्टेबर रोजी दुपारी २ वाजता घडला.याबाबत पोलिसांनी दिलेल्या माहितीनुसार, फिर्यादी यांच्यावर सध्या ससून रुग्णालयात उपचार करण्यात येत आहेत. फिर्यादी आणि अक्षय कुंजीर यांचा २०२० मध्ये प्रेमविवाह झाला आहे. त्यांना एक मुलगा आहे. अक्षय हा वारंवार दारु पिऊन येऊन मारहाण करतो. १२ सप्टेबरला तो असाच दारु पिऊन आला व घरातील सामानाची तोडफोड करीत होता. यावेळी तिची सासू व सासरे शेतात गेले होते. त्यावेळी अक्षय याने तु घरातून निघून जा, तु घरात रहायचे नाही, असे म्हणाला. त्यावर फिर्यादी यांनी मी मरुन जाते, असे म्हणाल्या. शेतीपंपासाठी आणलेल्या पेट्रोलमधील थोडे पेट्रोल त्याला भिती दाखविण्यासाठी अंगावर ओतले. त्यावेळी त्याने काडे पेटी आणून अंगावर टाकली. त्यामुळे त्या पेटल्या. त्यानंतर त्यानेच फिर्यादीच्या अंगावर पाणी ओतून विझविण्याचा प्रयत्न केला. तोपर्यंत फिर्यादी यांची छाती, गळा व तोंडास गंभीर दुखापत झाली होती. त्यानंतर त्यांना ससून रुग्णालयात दाखल केले. तू जर तुला पतीने पेटविले, असे सांगितले तर दवाखान्यात उपचार करणार नाहीत, अशी भिती सासुने दाखविली. त्यामुळे त्यांनी सुरुवातीला लोणी काळभोर पोलिसांना चुलीवर स्वयंपाक करताना अचानक पेट्रोल ओतल्याने भडका होऊन भाजले असे भितीपोटी सांगितले होते. पोलिसांनी दोघांवर गुन्हा दाखल केला असून सहायक पोलीस निरीक्षक खोसे तपास करीत आहेत.

Pimpri Chinchwad (Marathi News)

मोबाईलमध्ये हरवलेल्या चिमुकल्यांना पुस्तके वाचण्याचा संदेश ...

पुस्तक वाचनाने माणूस समृद्ध होतो, त्यामुळे पुस्तके वाचली पाहिजेत ...

जिल्ह्यामध्ये आतापर्यंत केवळ तीन महिलांनाच आमदारकीची संधी... ...

लहान मुले आणि तरुणांमध्ये सर्वाधिक डेंग्यूची लागण होत असल्याचे स्पष्ट ...

पुणे-मुंबई महामार्गावर फुगेवाडी येथे बुधवारी (दि. २०) दुपारी चारच्या सुमारास हा अपघात झाला ...

पती दररोज पत्नीला दारू पिउन मारहाण करत असे ...