Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पिंपरी : भरधाव कारने पादचारी महिलेला धडक दिली. त्यानंतर कारचालक न थांबता कार घेऊन पळून गेला. पिंपरी गावात रविवारी (दि. २१) दुपारी सव्वा एकच्या सुमारास हा ‘हिट अँड रन’चा प्रकार घडला. कारचालकाला पिंपरी पोलिसांनी अटक केली.हरीश जालिंदर वाघमारे (२०, रा. रहाटणी) असे अटक केलेल्या कार चालकाचे नाव आहे. विजया कुमार नायर (५६, रा. वाघेरे काॅलनी, पिंपरीगाव) असे जखमी महिलेचे नाव आहे. शरण्या सौरभ तिवारी (३१, रा. पिंपळे सौदागर) यांनी याप्रकरणी फिर्याद दिली. त्यानुसार बीएनएस कलम २८१, १२५ (अ) मोटार वाहन कायदा कलम १८४, १३४/१७७ अन्वये पोलिसांनी गुन्हा नोंद केला.पोलिसांनी दिलेल्या माहितीनुसार, विजया नायर शिक्षिका असून क्लास झाल्यानंतर त्या पिंपरी गावात छत्रपती शिवाजी महाराज पुतळा स्मारक चौक येथून महालक्ष्मी मंदिराजवळून पिंपळे सौदागर रस्त्यावरून पायी चालत जात होत्या. त्यावेळी त्यांच्या समोरून पिवळी नंबर प्लेट असलेली कार आली. कारने नायर यांना धडक दिली. या अपघातात त्या उडून रस्त्याच्या बाजूला पडल्या. त्यांच्या अंगावर दुचाकी पडली तसेच डोक्याला गंभीर दुखापत झाली. स्थानिक नागरिकांनी त्यांना पिंपरी येथील जिजामाता रुग्णालयात दाखल केले. तिथे उपचार केल्यानंतर पुढील उपचारासाठी त्यांना खासगी रुग्णालयात दाखल केले.नायर यांना धडक दिल्यानंतर कारने एक रिक्षा आणि एका दुचाकीला देखील धडक दिली. अपघात झाल्यानंतर कारचालक घटनास्थळी न थांबता कारसह पळून गेला. याप्रकरणी गुन्हा दाखल करून सीसीटीव्ही कॅमेऱ्यांच्या फुटेजवरून कारचा माग काढून चालकाची ओळख पटवली. त्याला ताब्यात घेतले.पिंपरीचे वरिष्ठ पोलिस निरीक्षक अशोक कडलग म्हणाले, ‘‘घटनेची माहिती मिळताच पिंपरी पोलिसांनी घटनास्थळी धाव घेतली. कार चालकाला पकडण्यासाठी तात्काळ पथके रवाना करण्यात आली. याप्रकरणी गुन्हा दाखल करण्यात आला आहे. कार चालकाला ताब्यात घेतले आहे."

Pimpri Chinchwad (Marathi News)

हडपसर-सासवड रस्त्यावरील वडकी बाजारमळा गावात घरासमोर अंगणात थांबलेल्या ज्येष्ठ महिलेला कारने धडक दिली ...

दोन्ही पाय नसलेल्या व्यक्तीला अज्ञात स्थळी फेकताना डॉक्टरांना स्टिंग ऑपरेशन करून रंगेहाथ पकडण्यात आले ...

ससूनमध्ये निर्दयी डॉक्टरांनी पाय नसलेल्या रुग्णाला अज्ञात स्थळी फेकले असल्याचा धक्कादायक प्रकार समोर आलाय ...

दोघांना अटक; अनैतिक संबंधांतून घडलेला प्रकार ...

कवितेमध्ये यमक जुळवण्यासाठी कोणतेही शब्द ओढून-ताणून बसविल्याची टीका साहित्य क्षेत्रातील तज्ज्ञांनी केली ...

अपघात झाल्यानंतर कारचालक घटनास्थळी न थांबता कारसह पळून गेला ...