गावाहून तांदळाचं पोतं आणलं पण अळी झाली तर? डब्यात हे पदार्थ ठेवा, अळ्याकिड्यांचा धोका कमी

How To Keep Rice Bugs Away : तांदूळ नेहमी कोरड्या आणि हवेशीर जागी ठेवा. तांदळात ओलावा राहिल्यास किडे लवकर होतात.

तांदळाला पोर किडे लागू नयेत यासाठी काही प्रभावी घरगुती उपाय करून पाहायला हवेत. बरेच लोक उन्हाळ्याच्या दिवसांत वर्षभराचं धान्य भरून ठेवतात. अशावेळी धान्य चांगले राहण्यासाठी काही उपाय करायला हवेत. (How To Prevent Rice Bugs Naturally)

तांदळाच्या डब्यात कडुलिंबाचा सुकलेला पाला घातल्यास त्याचा उग्र वास पोर किडे तयार होऊ देत नाही. (How To Prevent Rice Bugs)

लवंग

लवंगाचा वास अतिशय तीव्र असतो. त्यामुळे तांदळाच्या डब्यात थोड्या लवंगा घातल्यास किडे मरतात आणि नवीन किडे तयार होत नाहीत.

मोहोरीचं तेल

तांदळाला थोडं मोहोरीचं तेल चोळून ठेवल्यानं तांदूळ वर्षभर चांगले राहतात आणि त्यात किडे होत नाहीत.

दालचिनी

तांदळाच्या डब्यात दालचिनीचे छोटे तुकडे ठेवल्यानं त्या वासामुळे किडे डब्यात शिरत नाहीत.

कापूर

एका छोट्या कापडात कापूर बांधून तो डब्यात खालच्या बाजूला ठेवल्यास किड्यांचा प्रादूर्भाव टाळता येतो.

लाल मिरची

तांदळात १० ते १२ सुक्या लाल मिरच्या घालून ठेवल्यानं त्यातील तिखटपणामुळे किडे तांदळापासून लांब राहतात.

तांदळाचा डबा स्वच्छ धुवून घ्या.

तांदूळ साठवण्यापूर्वी तांदळाचा डबा स्वच्छ धुवून वाळवून मगच त्यात तांदूळ भरावा.