वॉशिंग मशीन लावून झाल्यानंतर ४० मिनिटांनी अंघोळ करायचे लक्षात ठेवा...; नाहीतर ठरू शकते जीवघेणे!

washing machine and Shower: इलेक्ट्रिशियन नेहमी सल्ला देतात की वॉशिंग मशीन सुरू असताना शॉवर घेऊ नये. यामागे पाण्याचे प्रेशर नाही, तर जीवघेणा इलेक्ट्रिक करंटचा धोका असतो. वाचा यामागील वैज्ञानिक कारणे आणि सुरक्षा टिप्स.

अनेकदा घरातले मोठे लोक किंवा इलेक्ट्रिशियन सल्ला देतात की वॉशिंग मशीन सुरू असताना अंघोळ करू नये किंवा शॉवर घेऊ नये. हे वाचायला किंवा ऐकायला थोडे विचित्र वाटू शकते, पण यामागे एक अत्यंत गंभीर आणि जीवघेणे कारण दडलेले आहे. हा धोका पाणी आणि "लीकेज करंट" यांच्या धोकादायक कॉम्बिनेशनमुळे निर्माण होतो. पाहा, यामागील वैज्ञानिक कारणे आणि घ्यायची काळजी:

शॉवर आणि वॉशिंग मशीनचे जीवघेणे कनेक्शन

जर वॉशिंग मशीनच्या इलेक्ट्रिकल सिस्टममध्ये थोडी जरी बिघाड असेल आणि करंट लीक होत असेल, तर तो करंट घरातील पाण्याच्या पाईपलाईनद्वारे पसरू शकतो. पाणी हे विजेचे उत्तम सुवाहक आहे.

तुमचे शरीर बनते "ग्राउंड"

जेव्हा तुम्ही शॉवर घेत असता, तेव्हा तुमचे शरीर ओले असते. अशा स्थितीत, जर पाईपमधून करंट येत असेल, तर तुमचे शरीर त्या विजेसाठी सर्वात सोपा रस्ता बनते. विज तुमच्या शरीरातून जमिनीत जाण्याचा प्रयत्न करते, ज्यामुळे भीषण शॉक लागू शकतो.

मेटल पाईप्स आणि बाथरूमचा धोका

जुन्या घरांमध्ये किंवा जिथे पाण्याची पाईपलाईन धातूची आहे, तिथे हा धोका सर्वाधिक असतो. मशीनमधील बिघाडामुळे संपूर्ण बाथरूम, नळ आणि शॉवरमध्ये इलेक्ट्रिक करंट पसरू शकतो.

डिटर्जेंट मिश्रित पाणी आणि शॉर्ट सर्किट

वॉशिंग मशीनमध्ये वापरले जाणारे पाणी (ग्रे वॉटर) डिटर्जेंट आणि मिनरल्समुळे विजेला अधिक वेगाने कंडक्ट करते. जर मशीनमध्ये शॉर्ट सर्किट झाले, तर बाहेर पडणारे पाणी चार्ज होऊ शकते. बाथरूमचा ओला मजलाही करंटने भरू शकतो.

मशीनचे व्हायब्रेशन आणि वायरिंगचे नुकसान

वॉशिंग मशीन सुरू असताना मोठ्या प्रमाणावर व्हायब्रेट होते. कालांतरानुसार, या व्हायब्रेशनमुळे मशीनच्या आतल्या वायरिंगचे नुकसान होऊ शकते. एखादी 'लाईव्ह वायर' तुटून मशीनच्या मेटल बॉडीला किंवा पाण्याला स्पर्श करू शकते.

अंघोळीपूर्वी किती वेळ थांबावे?

तज्ज्ञांच्या मते, वॉशिंग मशीन बंद झाल्यानंतर किमान ३० ते ४० मिनिटे थांबावे. जरी मशीन थांबली असली, तरी आतील ओलावा आणि उर्वरित पाणी करंटचा रस्ता बनू शकते.

घ्यायची काळजी: ग्राउंडिंग आणि GFCI

हा धोका टाळण्यासाठी घरातील सर्व इलेक्ट्रिकल अप्लायंसेजचे योग्य अर्थिंग असणे अत्यंत आवश्यक आहे. तसेच, GFCI (Ground Fault Circuit Interrupter) सारखी सेफ्टी सिस्टम बसवल्यास शॉक लागण्याचा धोका कमी होतो. वेळेवर इलेक्ट्रिकल तपासणी करणे कधीही उत्तम!