इडलीवाल्या अण्णाकडे मिळते तशी नारळाची चटणी घरीच करा; चविष्ट होईल चटणी-सोपी रेसिपी

How To Make Coconut Chutney At Home : चटणी वाटताना त्यात १ ते २ चमचे ताजं दही किंवा थोडा लिंबाचा रस घाला.

हॉटेलसारखी चविष्ट आणि पांढरीशुभ्र नारळाची चटणी करण्यासाठी तुम्हाला सोप्या स्टेप्स फॉलो कराव्या लागतील. (How To Make Coconut Chutney Indian Style)

नारळाच्या चटणीसाठी लागणारं साहित्य

१ वाटी ओल्या नारळाचे काप, २ ते ३ चमचे फुटाण्याची डाळ, २ हिरव्या मिरच्या आणि थोडा आल्याचा तुकडा. (How To Make Coconut Chutney At Home)

मिक्सरच्या भांड्यात नारळ, डाळवं, मिरच्या, आलं आणि चवीनुसार मीठ एकत्र करून घ्या. गरजेनुसार थोडं पाणी घालून मिश्रण मध्यम सरसरीत होईपर्यंत व्यवस्थित वाटून घ्या.

एका लहान कढईत १ मोठा चमचा तेल गरम करायला ठेवा.तेलात मोहोरी, जिरं, १ सुकी लाल मिरची आणि भरपूर कढीपत्ता घालून तडतडू द्या.

फोडणीत चिमूटभर हिंग घातल्यानं हॉटेलसारखा छान सुवास येतो. ही गरम फोडणी तयार केलेल्या चटणीवर ओता आणि लगेच झाकून ठेवा.

ही चटणी तुम्ही गरमागरम इडली, डोसा किंवा मेदू वड्यासोबत खाऊ शकता. चटणी पांढरीशुभ्र हवी असेल तर नारळाचा मागचा काळा भाग काढून टाका आणि त्यात कोथिंबीर घालू नका.

चटणी वाटताना त्यात १ ते २ चमचे ताजं दही किंवा थोडा लिंबाचा रस घाला. यामुळे चटणीला हलका आंबटपणा येतो आणि तिचा पांढरा रंग टिकून राहण्यास मदत होते.

चटणी वाटताना नेहमी साधं किंवा थंड पाणी घाला. गरम पाणी वापरल्यानं नारळातून तेल सुटतं. ज्यामुळे चटणीची चव बदलते तसंच चटणी जास्त पातळ न करता मध्यम घट्ट ठेवा.