Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

----दुचाकीच्या धडकेत एक जण जखमीमालेगाव : मुंबई - आग्रा महामार्गावर चिखलओहोळ शिवारात एका दुचाकीस्वाराने दुसऱ्या दुचाकीला धडक दिल्याने झालेल्या अपघातात एक जण जखमी झाला आहे. याप्रकरणी सुभाष महादू खिळे, रा. अनकवाडी, जि. धुळे यांनी फिर्याद दिली आहे. खिळे हे दुचाकीने (क्र. एमएच १९ डीक्यू ०२१५) जात असताना दुचाकीवरील उमेश निवृत्ती जाधव, रा. खरजाई, ता. चाळीसगाव यांच्या दुचाकीला (क्र. एमएच १९ बीके ६३१२) पाठीमागून धडक दिली. या धडकेत खिळे जखमी झाले आहेत. पुढील तपास हवालदार गुजर करीत आहेत.----मारहाण करणाऱ्या तिघा जणांविरुद्ध गुन्हामालेगाव : शहरातील गोल्डननगर भागात किरकोळ कारणावरून एका जणाला मारहाण करणाऱ्या तिघा जणांविरुद्ध पवारवाडी पाेलीस ठाण्यात गुन्हा दाखल करण्यात आला आहे. याप्रकरणी इफ्तेखार अहमद अतिक अहमद यांनी फिर्याद दिली. कारखान्याशेजारी कचरा का जाळला अशी कुरापत काढून शहेजाद अहमद जहीर अहमद, जिशान जहीर अहमद, कामरान जहीर अहमद, रा. गोल्डननगर यांनी लाकडी दांड्याने मारहाण केल्याचे फिर्यादीत म्हटले आहे. पुढील तपास हवालदार फुलमाळी करीत आहेत.----किरकोळ कारणावरून तरुणाला मारहाणमालेगाव : शहरातील नाहीद मशिदीजवळ उभ्या असलेल्या जाकीर हुसेन मुजफ्फर हुसेन या तरुणाला किरकोळ कारणावरून वसीम नाट्या (पूर्ण नाव माहीत नाही) याने लोखंडी पाइपने गंभीर मारहाण करून जखमी केल्याप्रकरणी पवारवाडी पोलीस ठाण्यात गुन्हा दाखल करण्यात आला आहे. याप्रकरणी जाकीर याने फिर्याद दिली आहे. पुढील तपास हवालदार गांगुर्डे हे करीत आहेत.----डंपरच्या धडकेत दोघे जखमीमालेगाव : मुंबई - आग्रा महामार्गावरील दरेगाव शिवारात अज्ञात डंपर चालकाने दुचाकीला दिलेल्या धडकेत दोघे जण जखमी झाले आहेत. याप्रकरणी अशोक भिवसिंग जाधव, रा. साजवहाळ यांनी फिर्याद दिली आहे. श्याम अशोक जाधव व गोविंद साहेबराव जाधव हे दुचाकीवरून (क्रमांक एमएच ४१ के १५७६) जात असताना डंपरने (क्र. एमएच ४१ ईजे २६८५) धडक दिली. यात दोघे जखमी झाले. पुढील तपास हवालदार गोसावी करीत आहेत.----पत्नीवर कटरने वार करणाऱ्या पतीविरुद्ध गुन्हामालेगाव : शहरातील गौसीया मशिदीजवळ राहणाऱ्या महिलेवर कटरने वार करून जखमी करणाऱ्या पती फिरोज शेख नबी यांच्या विरुद्ध शहर पोलीस ठाण्यात गुन्हा दाखल करण्यात आला आहे. याप्रकरणी शकिला शेख फिरोज उर्फ परवीन हिने फिर्याद दिली आहे. पती फिरोज शेख हा मद्य पिऊन घरी आला असता त्याला कामावर का गेला नाही, मद्य का पिले असे विचारले असता त्याचा राग येऊन त्याने कटरने मारहाण करून जखमी केल्याचे फिर्यादीत म्हटले आहे. पुढील तपास हवालदार काळे करीत आहेत.

Nashik (Marathi News)