Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

कामठी : नागपूर-जबलपूर महामार्गावरील गादा शिवारात सर्व्हिस राेडलगत तरुणाचा मृतदेह आढळून आला. ही घटना रविवारी मध्यरात्रीच्या सुमारास उघडकीस आली.मंगेश आनंदराव ठाकरे (३०, रा. गादा, ता. कामठी) असे मृत तरुणाचे नाव आहे. गादा शिवारातील ढाब्याच्या मागील बाजूस सर्व्हिस राेडलगत तरुण मृतावस्थेत पडून हाेता. त्याच्या शेजारी एमएम-४०/बीडी-७१६१ क्रमांकाची दुचाकी उभी हाेती. ही बाब लक्षात येताच मार्गाने जाणाऱ्या व्यक्तीने पाेलीस नियंत्रण कक्षाला सूचना दिली. घटनेची माहिती मिळताच नवीन कामठी पाेलिसांनी घटनास्थळ गाठून पंचनामा केला. मृत तरुणाच्या खिशातील आधारकार्ड व ड्रायव्हिंग लायसन्सवरून मृत तरुणाची ओळख पटली. त्याद्वारे पाेलिसांनी मृताच्या कुटुंबीयांना सूचना देऊन त्याची ओळख पटविली. त्यानंतर मृतदेह उत्तरीय तपासणी नागपूर मेडिकल रुग्णालयात पाठविला. याप्रकरणी नवीन कामठी पाेलिसांनी अकस्मात मृत्यूची नाेंद केली असून, तपास पाेलीस उपनिरीक्षक एस. नराेटे करीत आहेत.मंगेशचा मृतदेह आढळल्याची माहिती कळताच गादा गावात शाेककळा पसरली. मृत मंगेश हा सिमेंट मिक्सर कंपनीमध्ये वाहनचालक म्हणून कार्यरत हाेता. रविवारी सकाळी कामावर जात असल्याचे सांगून ताे घरून निघून गेला हाेता. दरम्यान रात्र हाेऊनही घरी न परतल्याने ताे कामावर असेल, असे कुटुंबीयांना वाटले. मात्र मध्यरात्री पाेलीस त्याच्या मृत्यूची बातमी घेऊन आल्याने कुटुंबीयांना धक्काच बसला.

Nagpur (Marathi News)