Latest Marathi News

- मधुकर सिरसटकेज (जि. बीड ): दिवंगत सरपंच संतोष देशमुख यांच्या हत्येनंतर १५ महिन्यांनी रिक्त झालेल्या मस्साजोग सरपंचपदासाठी मंगळवारी २८ एप्रिल रोजी मतदान पार पडले. बुधवारी सकाळी केज येथील तहसील कार्यालयात झालेल्या मतमोजणीत स्वरूपानंद देशमुख यांनी ९१४ मते मिळवत विजय संपादन केला. त्यांच्या विरोधात निवडणूक लढवणाऱ्या अश्विनी संतोष देशमुख यांना ८२२ मते मिळाली. निवडणूक निर्णय अधिकारी संतोष करंजवणकर यांनी स्वरूपानंद देशमुख यांना ९२ मतांनी विजयी घोषित केले.बिनविरोधचे प्रयत्न का फसले?अश्विनी देशमुख यांची निवड बिनविरोध व्हावी अशी ग्रामस्थांची इच्छा होती. मात्र, संतोष देशमुख यांचे बंधू धनंजय देशमुख यांनी गावकऱ्यांना विश्वासात घेतले नसल्याचा आरोप करत स्वरूपानंद देशमुख यांनी निवडणूक लढवण्याचा निर्णय घेतला. मागील निवडणुकीत संतोष देशमुख यांच्याकडून अवघ्या ९ मतांनी पराभूत झालेल्या स्वरूपानंद यांनी या पोटनिवडणुकीत आपली महत्त्वाकांक्षा सिद्ध केली.मतदानाची आकडेवारी आणि निकालगावातील एकूण २,०८४ मतदारांपैकी १,७४४ जणांनी मतदानाचा हक्क बजावला होता (८३.६९ टक्के). यामध्ये ९३९ पुरुष आणि ८०५ महिला मतदारांचा समावेश होता. मतमोजणीसाठी तहसील कार्यालयात तीन टेबलची व्यवस्था करण्यात आली होती. या प्रक्रियेवेळी तहसीलदार अशोक भंडारे आणि पोलीस प्रशासनाचा चोख बंदोबस्त तैनात होता.न्यायासाठी संतोष देशमुख कुटुंबासोबतच राहणार: स्वरूपानंद देशमुखविजयानंतर पत्रकारांशी बोलताना स्वरूपानंद देशमुख यांनी विरोधकांच्या आरोपांचा समाचार घेतला. "मी परळीतून पैसे आणले, असा खालच्या पातळीचा आरोप माझ्यावर झाला, पण मतदारांनी माझ्यावर विश्वास दाखवला. संतोष देशमुख यांना न्याय मिळवून देण्यासाठी मी यापुढेही त्यांच्या कुटुंबासोबत कायम राहीन," असे भावनिक आवाहन नवनिर्वाचित सरपंचांनी केले.

पदवीधर मतदारसंघ निवडणूक : उमेदवारांची ‘वानवा’ ...

क्षुल्लक कारणावरुन मारहाण करुन शिविगाळ केल्याप्रकरणी तीन महिने सक्तमजुरीची शिक्षा. ...

भाऊ-बहिणीच्या नात्याची रेशमी वीण अधिक घट्ट करणाऱ्या रक्षाबंधन सणाला राखीचे महत्त्व अनन्यसाधारण असते. ...

खंडाळा येथील नवीन रोहित्र जळाले; दैनंदिन कामकाजात व्यत्यय. ...

शहरालगतच्या अकरा ग्रामपंचायत हद्दीत झालेल्या अवैध बांधकाम प्रकरणी प्रमोद मुरारका यांनी तक्रार केली होती. ...