Latest Marathi News

इस्लामाबाद: अरबी समुद्रात तांत्रिक बिघाडामुळे भरकटलेल्या एका भारतीय जहाजाला पाकिस्तान नौदलाने मदतीचा हात दिला आहे. 'एमव्ही गौतम' असे या जहाजाचे नाव असून, त्यावरील सहा भारतीय आणि एका इंडोनेशियन अशा एकूण ७ कर्मचाऱ्यांची मदत करण्यात आली आहे.हे जहाज ओमानहून भारताकडे येत असताना अरबी समुद्रात त्यात 'गंभीर तांत्रिक बिघाड' झाला. यानंतर मुंबईतील 'मेरिटाइम रेस्क्यू को-ऑर्डिनेशन सेंटर'ने धोक्याचा इशारा जारी केला होता. या आवाहनाला प्रतिसाद देत पाकिस्तान मॅरिटाइम सिक्युरिटी एजन्सीच्या 'काश्मीर' या जहाजाने तातडीने बचाव मोहीम राबवली.अन्न आणि वैद्यकीय मदत पुरवलीपाकिस्तान नौदलाने दिलेल्या निवेदनानुसार, त्यांच्या पथकाने जहाजावरील खलाशांना तातडीने अन्न, औषधे आणि इतर आवश्यक वस्तू पुरवल्या. तसेच, जहाजातील बिघाड दुरुस्त करण्यासाठी तांत्रिक मदतही दिली. "समुद्रातील मानवी जीव वाचवण्यासाठी आणि आपल्या सागरी जबाबदाऱ्या पार पाडण्यासाठी आम्ही कटीबद्ध आहोत, मग ती व्यक्ती कोणत्याही देशाची असो," असे पाकिस्तान नौदलाने म्हटले आहे.संघर्षाच्या वर्षपूर्तीनंतरचे दिलासादायक चित्रविशेष म्हणजे, मे २०२५ मध्ये भारत आणि पाकिस्तान दरम्यान ड्रोन, क्षेपणास्त्रे आणि लढाऊ विमानांच्या माध्यमातून चार दिवसांचा मर्यादित संघर्ष झाला होता. या घटनेला बरोबर एक वर्ष पूर्ण होत असतानाच, समुद्रात मात्र दोन्ही देशांच्या यंत्रणांमध्ये मानवतावादी दृष्टीकोनातून सहकार्य पाहायला मिळाले आहे.

आर्थिक परिस्थितीमुळे शुल्क भरू न शकलेल्या विद्यार्थ्यांना यामुळे मोठा दिलासा मिळणार आहे ...

कार्यालय ताब्यात घेतले जाण्याच्या धास्तीने मुख्यालयात धाव ...

१० दिवसांत चार अधिकारी सीबीआयकडून जेरबंद; जी-पेवर स्वीकारली लाच ...

Turkey Earthquake: तुर्कीमध्ये पुन्हा एकदा भूकंपाचे धक्के जाणवले. ...

INDW vs IREW T20 WC 2023: भारतीय संघाने आयर्लंडचा पराभव करत महिला ट्वेंटी-२० विश्वचषकाची उपांत्य फेरी गाठली. ...