Latest Marathi News

तोतया आयएएस, आयबी अधिकारी गजाआडफसवणुकीची अनेक प्रकरणे झाली उघडबोरिवली पोलिसांची कारवाईमुंबई: आयएएस, आयबीचे उच्चपदस्थ अधिकारी असल्याचे भासवून अनेकांना गंडविणार्या त्रिकुटाला बोरिवली पेालिसांनी बेड्या ठोकल्या आहेत. या तिघांनी कॉन्ट्रॅक्ट देतो, नोकरीला लावतो, स्वस्तात घर मिळवून देतो, अशा थापा मारून लाखो रूपये उकळल्याची माहिती प्राथमिक चौकशीतून समोर आली आहे. विशेष म्हणजे या तिघांकडून बोगस, बनावट कागदपत्रेही सापडली आहेत.अश्विन सुपरा (३६), विनोद झा (४१), अनिल चौधरी (४६) अशी या तिघांची नावे आहेत. हे त्रिकुट गेल्या काही दिवसांपासून बोरिवलीच्या आर. एम. भटट रोडवरील एका हॉटेलमध्ये थांबून सावज शोधत होते. काही दिवसांपुर्वी त्यांनी एका वृत्तवाहिनीच्या पत्रकाराला जाळयात ओढण्याचा प्रयत्न केला. आयबीचे कॉन्ट्रॅक्ट देतो असे सांगून त्याच्याकडून २० हजार रूपयेही उकळले होते. मात्र मधल्या काळात या वार्ताहराला संशय वाटल्याने त्याने बोरिवली पोलिसांना घडला प्रकार सांगितला. दरम्यान, बोरिवली पोलिसांनी वेशांतर करून वार्ताहरासोबत या त्रिकुटाची भेट घेतली. पोलिसांनी यातिघांना त्यांची बॅच विचारली. जोडीला प्रशासकीय सेवा, गुप्तहेर संघटनेबाबत आणखीही विचारपूस केली. या प्रश्नांची उत्तरे देताना तिघांनाही घाम फुटला. तिघांनी उलटसुलट, खोटी उत्तरे दिल्याने पोलिसांचा संशय बळावला. अखेर तिघांना ताब्यात घेऊन पोलीस खाक्यात त्यांच्याकडे चौकशी करण्यात आली. तेव्हा तिघेही भामटे असल्याचे स्पष्ट झाले. त्यांनीही फसवणूकीची कबुली दिली.यातील मुख्य आरोपी हा अश्विन हा मूळचा झारखंड येथील रहिवासी आहे. तो लोकांना मोबाईल फोनमध्ये स्वत: आयएएस असल्याचे ओळखपत्र दाखवून फसवतो. त्याने गंडा घातलेली तीन प्रकरणे समोर आली आहेत. दोन तरूणांना नोकरी देतो, तर एकाला घर देतो असे सांगून त्याने त्यांच्याकडून पैसे उकळलेले आहेत. इतर दोन आरोपी हे सिक्युरिटी एजन्सीचे मालक असल्याचे सांगतात. आरोपी विनोद झा हा कांदिवली पूर्व येथील रहिवासी असून चौधरी हा पोईसर येथील रहिवासी आहे. या तिघांनी दिल्ली येथेही एका व्यक्तीला घर देतो असे सांगून त्याच्याकडून ८ लाख रुपये उकळले असल्याचे समोर आले आहे. न्यायालयाने या तिघांना २९ डिसेंबरपर्यंत पोलीस कोठडीत धाडले आहे. या टोळीत अजून तीन ते चारजणांचा समावेश असण्याची शक्यता असून याबाबत अधिक तपास सुरु असल्याची माहिती परिमंडळ बाराचे पोलीस उपायुक्त बालसिंग राजपूत यांनी दिली.

"तीन महिन्यांपूर्वी निधन झालेल्या महिलेने चित्रपट पाहिल्यानंतर...", केदार शिंदेंनी सांगितला अनुभव ...

पुण्यासह पिंपरी-चिंचवडमधील ११ पर्यटकांचा समावेश... ...

Uddhav Thackeray News: गणपतीपुळे आणि परिसरातील शिवसैनिकांनी उद्धव ठाकरे यांच्याकडे मागणी केली आहे. ...

पहिल्या डिलीव्हरीनंतर एका काही महिन्यातच तिने दुसऱ्यांदा गरोदर असल्याची माहिती शेअर केली होती. ...

बिहार विधानसभेत गुरुवारी गोंधळ झाला. भाजपने राज्य सरकारविरोधात मोर्चा काढला. ...

स्मृतिशेष एल.आर. बाली यांना श्रद्धांजली ...