Latest Marathi News

सरदास चौगुले - पोर्ले तर्फ ठाणे --रामप्रहरी किंवा तिन्ही सांजेच्यावेळी आरोग्यासाठी फिरायला जाणारे तसेच रात्री-अपरात्री मेंढपाळांसाठी वाट तुडवित जाणाऱ्या धनगरांना वाहनाच्या धोक्यांपासून सुरक्षित राहण्यासाठी रिफ्लेक्टर (रेडियम) लावलेल्या १५०० काठ्यांचे मोफत वाटप पोर्ले तर्फ ठाणे (ता. पन्हाळा) येथील निसर्गमित्र दिनकर चौगुले यांनी केले.उत्साही जीवनाचा संकल्प म्हणून मॉर्निंगवॉकला जाणाऱ्यांची संख्या वाढत आहे. या मंडळींना नजरेसमोरची वाहने दिसतात; पण मागून येणारी वाहने दिसत नाहीत. परिणामी अपघाताची शक्यता अधिकचअसते आणि वास्तवात घडतहीआहे. रिफ्लेक्टर लावलेलीकाठी चालणाऱ्याच्या हातात असली म्हणजे वाहनचालक सावधहोतो आणि अपघातासारखा धोका टळू शकतो, असा उदात्त हेतू डोळ्यासमोर ठेवून दिनकररावांनी १५०० लोकांना रिफ्लेक्टर चिकटवलेल्या काठ्यांचे वाटप केल्या. त्यांनी पोर्ले तर्फ ठाणे परिसरातील पंचगंगा पुलावर, वाशी नाका, फुलेवाडी नाका या ठिकाणी मॉर्निंगवॉकला जाणाऱ्यांना काठ्या वाटप केल्या आहेत.तसेच रात्री-अपरात्री मेंढपाळांसाठी वाट तुडवित जाणाऱ्या मेंढपाळांच्या हातात असणाऱ्या कुऱ्हाडीच्या दांड्याला रिफ्लेक्टर चिकटवले आहे. तसेच दालमिया (आसुर्ले पोर्ले) साखर कारखान्याची ऊस वाहतूक करणाऱ्या १४० बैलगाड्यांना रिफ्लेक्टरच्या पट्ट्या चिकटवल्या आहेत.निसर्गमित्र दिनकर चौगुले यांच्या या उपक्रमाचे परिसरातून स्वागतहोत आहे.असेही बक्षिसपंचगंगा पुलावरती रिफ्लेक्टर चिकटवलेल्या काठ्यांचे वाटप करताना दिनकररावांना एक ज्येष्ठ गृहस्थाने ५०० रुपयांची नोट खिशात घातली आणि त्यांचे या उपक्रमाबद्दल अभिनंदनही केले.शाहूपुरी येथील रिक्षा हाऊसमध्ये रिफ्लेक्टरच्या पट्टीच्या खरेदीसाठी गेलो होतो. तेव्हा त्या दुकानातील मालकांनी या एवढ्या पट्ट्यांचे काय करणार असे विचारल्यावर मी माझ्या उपक्रमाची माहिती दिली. तेव्हा त्यांनी ३००० रुपयांचे रिफ्लेक्टर फुकट दिले. त्यांच्या या प्रेरणेने मी हा उपक्रम उत्साहाने राबवला आणि त्याचे कौतुकही झाले. त्यामुळे मदतीला हात देणारी माणसे विरळच असतात.- दिनकर चौगुले, निसर्गमित्र

पल्सर हे विश्वाच्या अथांग अवकाशात दीपगृहांसारखे आहेत, ज्यांना वैश्विक दीपस्तंभ म्हणता येईल ...

Chandrapur : वेकोली परिसरातून जाणाऱ्या महामार्गावर दुतर्फा ट्रकांच्या रांगाच रांगा ...

Navari Mile Hitlerla : 'नवरी मिळे हिटलरला' मालिका अनेक रंजक वळणं घेत आहे. ...

महापूर नियंत्रण समितीकडून मुख्य सचिवांना निवेदन : १ ऑगस्टला नृसिंहवाडी, सांगलीत जलबुडी आंदोलन ...

आज दुपारी उत्तर प्रदेशातील गोंडामध्ये चंडीगड-डिब्रूगड एक्सप्रेसचे अनेक डब्बे रुळावरुन घसरले. ...