Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोगनोळी : हणबरवाडी (ता. निपाणी) येथील वृद्ध महिलेने विहिरीत उडी मारून आत्महत्या केल्याची घटना बुधवारी, तारीख १७ रोजी सकाळी उघडकीस आली.इंदुबाई शंकर चव्हाण ऊर्फ कळसकर (वय ७६, मूळ गाव दानवाड, ता. शिरोळ, सध्या राहणार हणबरवाडी ता. निपाणी) असे मृत महिलेचे नाव आहे.याबाबत अधिक माहिती अशी की, मूळ गाव दानवाड ता. शिरोळ, पण सध्या राहणार हणबरवाडी येथील इंदुबाई शंकर चव्हाण या मावस लेक आक्काताई तुकाराम यादव यांच्या घरी गेल्या तीस वर्षांपासून राहत होत्या. गेल्या दोन-तीन वर्षापासून त्या आजारी होत्या. रविवार तारीख १४ रोजी इंदुबाई घरातून बाहेर पडल्या व सायंकाळपर्यंत घरी परतल्या नाहीत. नातलगांनी चार दिवसापासून नातेेवाईक, पाहुणे आसपासच्या परिसरात शोधाशोध केली. पण त्या मिळाल्या नाहीत.हणबरवाडी येथे गावालगतच असणाऱ्या बंडा भीमराव खोत यांच्या शेतात ऊस तोडणी सुरू आहे. ऊसतोड मजूर पाणी आणण्यासाठी विहिरीवर गेले असता, त्या विहिरीमध्ये इंदुबाई यांचा मृतदेह पडल्याचे दिसून आले. लगेचच निपाणी येथील ग्रामीण पोलीस स्टेशनला कळवण्यात आले.घटनास्थळी निपाणी पोलिसांच्यावतीने अमर चंदनशिव, एम. एन. खानापनावर, संजय काडगौडर, प्रकाश सावजी यांनी पाहणी करून मृतदेह विहिरीतून बाहेर काढला.

Kolhapur (Marathi News)