Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

भोगावती : कॉलेज सुटल्यानंतर घरी जाण्यासाठी कोल्हापूर -राधानगरी मार्गावर कुरूकली (ता. करवीर) येथे बसस्थानकावर एस.टी.ची वाट पाहत उभा असलेल्या विद्यार्थिनींच्या घोळक्यात भरधाव कार (एमएच ०९ बीबी ५९०७) घुसली. यामध्ये प्रज्ञा दशरथ कांबळे (वय १८), अस्मिता अशोक पाटील (रा. कौलव), श्रावणी उदय सरनोबत (रा. कसबा तारळे) आणि श्रेया वसंत डोंगळे (रा. घोटवडे) या कारखाली सापडल्या. प्रज्ञाला कारने जवळपास शंभर मीटर फरफटत नेले. या घटनेत ती ठार झाली असून, अन्य तिघी गंभीर जखमी झाल्या आहेत. पळून जाणाऱ्या चालकाला नागरिकांनी पाठलाग करून पकडले. त्याला बेदम मारहाण करून पोलिसांच्या ताब्यात दिले. चालक राशिवडे बुद्रुक येथील असून अल्पवयीन आहे. त्याच्यावर करवीर पोलिस ठाण्यात गुन्हा दाखल झाला आहे. जखमी अस्मिता अशोक पाटील हिने याबाबतची फिर्याद दिली. करवीर पोलिसांनी घटनेचा पंचनामा केला.फिर्यादीत म्हटले आहे की, गुरुवारी दुपारी दीडच्या सुमारास कॉलेज सुटल्यानंतर विद्यार्थिनी आपापल्या गावी जाण्यासाठी कॉलेजपासून अर्धा किलोमीटरवर असणाऱ्या कुरुकली एस.टी. बसथांब्यावर एकत्र थांबलेल्या होत्या. यावेळी कोल्हापूरकडून राधानगरीकडे भरधाव निघालेली कार मुलींच्या घोळक्यात घुसली. यामध्ये चौघीजणी गंभीर जखमी झाल्या.त्यांना तातडीने १०८ ॲम्ब्युलन्समधून सीपीआर रुग्णालयात नेले. तेथे यांपैकी प्रज्ञा कांबळे हिला डॉक्टरांनी मृत घोषित केले नंतर या तिघींना पालकांनी खासगी रुग्णालयात दाखल केले. प्रज्ञाच्या पश्चात आई, वडील आणि भाऊ असा परिवार आहे.जखमी अस्मिताची घरची परिस्थिती बेताचीगंभीर जखमी झालेल्या अस्मिता पाटील या विद्यार्थिनीची घरची परिस्थिती अतिशय हलाखीची आहे. वडिलांच्या मृत्यूनंतर आई रोजंदारी करत तीन मुलींचे शिक्षण पूर्ण करत आहे. अस्मिताच्या अपघाताने ती हतबल झाली आहे. आता अस्मिताच्या औषधपाण्याचा खर्चदेखील पेलवणार नाही, अशी परिस्थिती आहे.प्रज्ञा वडिलांची लाडकी मृत प्रज्ञा कांबळे ही वडिलांची अतिशय लाडकी होती. मुलीच्या शिक्षणासाठी वाटेल ते काम करून तिला उच्चशिक्षित बनवण्याचे त्यांचे स्वप्न या घटनेने भंगले.

Kolhapur (Marathi News)

स्वयंचलित दरवाज्यांतून पाण्याचा विसर्ग सुरु झाल्यास भोगावती, पंचगंगा नदीच्या पाणीपातळीत वाढ होणार ...

प्रेयसीच्या मदतीने तिच्या नवऱ्याचा केला होता खून ...

जे दाखवायला पाहिजे तेच का लपवले गेले ...

तीन वर्षात केवळ १४ टक्के साहित्याचा वापर ...

डॉ. बाचूळकर यांची माहिती : ‘अमेरिकेन एल्डरबेरी’ची जिल्ह्यात प्रथमच नोंद : ...

सात धरणे १०० टक्के तर राधानगरी ९६ टक्के भरले ...

मठाने सुप्रीम न्यायालयात धाव घेऊन हत्तीण नांदणी मठाकडे राहण्यासाठी मंगळवारी याचिका दाखल केली ...

Raju Shetti : माजी खासदार राजू शेट्टी यांनी आमदार राजेश क्षीरसागर यांना ओपन चॅलेंज दिले आहे. ...

मुलीला उच्चशिक्षित बनविण्याचे वडिलांचे स्वप्न भंगले ...