राज्यातील सत्तासमीकरणाचे नगर परिषद निवडणुकांवर परिणाम; मोर्चेबांधणीला लागला ब्रेक

गोंदिया : जिल्ह्यात पुढील दोन महिन्यात गोंदिया आणि तिरोडा नगर परिषदेची निवडणूक होऊ घातली आहे. यासाठी मोर्चेबांधणीला सर्वच राजकीय पक्षांनी सुरुवात केली होती. मात्र मागील आठवडाभरापासून शिवसेनेच्या आमदारांनी बंड केल्याने महाविकास आघाडी सरकार धोक्यात आले आहे. या घडामोडींचे पडसाद जिल्ह्यात देखील उमटत असून नगर परिषद निवडणुकीसाठी सुरु केलेल्या माेर्चेबांधणीलासुद्धा यामुळे ब्रेक लागल्याचे चित्र आहे.जिल्ह्यातील राजकारणावर पकड मजबूत करण्याच्या दृष्टीने स्थानिक स्वराज्य संस्थाच्या निवडणुकांना फार महत्त्व आहे. त्यामुळे खासदार, आमदार व स्थानिक नेते यात अधिक रुची घेतात. गोंदिया आणि तिरोडा नगर परिषदेच्या पदाधिकाऱ्यांचा पाच वर्षांचा कार्यकाळ १५ फेब्रुवारीला पूर्ण झाला. त्यानंतर नगर परिषदेत प्रशासकाची नियुक्ती करण्यात आली, तर आमगाव नगर परिषदेचा मुद्दा न्यायप्रविष्ट असला तरी या ठिकाणी निवडणुकीच्या अनुषंगाने प्रक्रियेला प्रशासनाने सुरुवात केली आहे. आमगाव नगर परिषदेवर शिक्कामोर्तब झाल्यास या ठिकाणी प्रथमच नगर परिषदेसाठी निवडणूक होईल. त्यामुळे पहिला नगराध्यक्षाचा मान कोणत्या पक्षाला मिळणार यासाठी राजकीय पक्षांमध्ये चढाओढ पाहायला मिळण्यासाठी शक्यता आहे. नगर परिषद निवडणुकीसाठी या ठिकाणी भाजप, काँग्रेस, राष्ट्रवादी काँग्रेस या तिन्ही पक्षांनी मोर्चेबांधणी करण्यास सुरुवात केली असून, संभाव्य उमेदवारांची यादीसुध्दा तयार केली आहे. काही भावी उमेदवार आतापासूनच उमेदवारांच्या गाठीभेठी घेत असल्याचे चित्र होते. तर गोंदिया नगर परिषदेची निवडणूक यंदा अधिक चुरशीची होण्याची शक्यता आहे. भाजप, काँग्रेस, राष्ट्रवादी काँग्रेस यासह अपक्ष आमदार विनोद अग्रवाल यांनीसुध्दा यात रुची घेतली असल्याने ही निवडणूक चांगलीच रंगतदार होण्याची शक्यता आहे.भावी उमेदवारांनी गाठी भेटी केल्या बंदराज्यातील महाविकास आघाडी सरकार राहणार की कोसळणार यावरून सध्या अस्थिरता निर्माण झाली आहे. यामुळे महाविकास आघाडीच्या जिल्ह्यातील आमदार, नेते, पदाधिकारी आणि कार्यकर्त्यांमध्ये सुध्दा काहीशी अस्वस्थता निर्माण झाली आहे. त्यामुळे पंधरा दिवसांपूर्वी नगर परिषदेच्या भावी उमेदवारांनी सुरु केलेल्या गाठीभेटीसुद्धा पूर्णपणे बंद झाल्याचे चित्र आहे.सभा बैठकांचे सत्र थंडावलेजिल्ह्यात आगामी होणाऱ्या स्थानिक स्वराज्य संस्थाच्या निवडणुका लक्षात घेऊन जिल्ह्यातील सर्वच राजकीय पक्षांच्या नेत्यांचे दौरे, सभा, बैठकांचे सत्र सुरु झाले होते. त्यामुळे नगर परिषद निवडणुकांचे पडघम वाजल्याचे चित्र होते. मात्र मागील आठ दिवसांपासून राज्यात सुरु असलेल्या राजकीय घडामोडींमुळे सभा, बैठकांचे सत्र बंद झाले असून सर्वांनीच वेट ॲन्ड वॉचची भूमिका घेतली आहे.

Candidate	Party	Votes
Agrawal Gopaldas Shankarlal	Bharatiya Janata Party	75827
Amar Prabhakar Warade	Indian National Congress	8938
Dhurwas Bhaiyalal Bhoyar	Bahujan Samaj Party	4704
Atul Alias Kalkeejagatpatee Halmare	Baliraja Party	232
Chaniram Laxman Meshram	Peasants And Workers Party of India	669
Janardan Mohanji Bankar	Vanchit Bahujan Aaghadi	3810
Purushottam Omprakash Modi	Aam Aadmi Party	872
Arunkumar Premlal Chauhan	Independent	303
Kamlesh Murlidhar Ukey	Independent	5246
Kamalesh Ratiram Bawankule	Independent	190
Gajbhiye Pramod Hiraman	Independent	88
Javed Salam Pathan	Independent	180
Jitesh Radhelal Rane	Independent	884
Pralhad Pendhar Mahant	Independent	245
Bhuneshwar Singh Budhram Singh Bhardwaj	Independent	566
Laxman Pandurang Meshram	Independent	1107
Vinod Agrawal	Independent	102996
Vishnu Babulal Nagrikar	Independent	670

Assembly Constituency Result

Maharashtra Assembly Election 2019 - News Gondiya

अजूनही पाणी कमी न झाल्यामुळे शेतातील पीकं सडण्याच्या मार्गावर ...

तरुण मुलाचा वीज पडून मृत्यू झाल्याने बागळे कुटुंबावर मोठे संकट कोसळले आहे. ...

धान खरेदीत घोटाळ्याची शंका, गुन्हा दाखल करण्याची मागणी ...

खेमलाल मस्करे यांना पोलिसांनी विचारपूस केली असता, या तलवारी त्याच्या भाच्याच्या असल्याचे सांगितले. ...

अपघातानंतर टिप्पर चालकाने घटनास्थळावरून पळ काढला. ...