भरधाव कार झाडाला धडकून उलटली; चार तरुण ठार, दाेन जण गंभीर जखमी

नवेगावबांध ( गोंदिया ) : शेतकऱ्याच्या शेतात सौर पंप फिटिंगचे काम करून कारने आपल्या गावाकडे परतणाऱ्या युवकांची कार झाडाला धडकली, त्यानंतर ती उलटली. या भीषण अपघातात चार तरुण ठार झाले तर दोन युवक गंभीर जखमी झाले. हा अपघात बुधवारी रात्री ११ वाजेच्या सुमारास सडक अर्जुनी तालुक्यातील परसोडी खोबा जंगल परिसरात झाला.या अपघातात रामकृष्ण योगराज बिसेन (२४), सचिन गोरेलाल कटरे (२३) यांचा घटनास्थळीच मृत्यू झाला, तर संदीप जागेश्वर सोनवाने (१८, रा. नवेगाव, ता. आमगाव) व चालक वरुण नीलेश तुरकर (२७, रा. भजेपार, तालुका आमगाव) यांचा उपचारादरम्यान ग्रामीण रुग्णालय नवेगावबांध येथे मृत्यू झाला. तर मधुसूदन नंदलाल बिसेन (२३) व प्रदीप कमलेश्वर बिसेन (२४, रा. नवेगाव, ता. आमगाव, जि. गोंदिया ) हे गंभीर जखमी असल्याने त्यांना पुढील उपचाराकरिता गोंदिया येथील शासकीय वैद्यकीय महाविद्यालयात दाखल करण्यात आले.हे सहाही तरुण आमगाव तालुक्यातील भजेपार व नवेगाव येथील रहिवासी असून, ते सौर पंप फिटिंगचे काम करतात. बुधवारी ते अर्जुनी मोरगाव तालुक्यातील नवेगावबांध येथे एका शेतकऱ्याच्या शेतात सौर पंप फिटिंग करण्याचे काम करण्यासाठी गेले होते. सौर पंप फिटिंगचे काम झाल्यानंतर ते रात्री टाटा नेक्सान क्रमांक एमएच-३५/एजी-८७७१ या कारने आमगावकडे परत येत होते. दरम्यान, वाहनावरील चालकाचे नियंत्रण सुटल्याने कार रस्त्याच्या कडेला असलेल्या झाडाला धडक देऊन उलटली. ही घटना सडक अर्जुनी तालुक्यातील परसोडी खोबा जंगलात घडली. यात कारमध्ये असलेल्या सहापैकी चार युवकांचा मृत्यू झाला तर दोन युवक गंभीर जखमी झाले. हा अपघात एवढा भीषण होता की, कारचा अक्षरश: चेंदामेंदा झाला.दरम्यान, हा प्रकार या मार्गावरून जाणाऱ्या वाहन चालकांच्या निदर्शनास आल्यानंतर त्यांनी याची माहिती डुग्गीपार व नवेगावबांध पोलिसांना दिली. अपघाताची माहिती मिळताच ठाणेदार संजय पांढरे आपल्या सहकाऱ्यांसह घटनास्थळावर दाखल झाले आणि जखमींना उपचारासाठी नवेगावबांध ग्रामीण रुग्णालयात दाखल केले. चारही मृतक युवकांचे शवविच्छेदन करून मृतदेह कुटुंबीयांना सोपविण्यात आले. या घटनेची नोंद डुग्गीपार व नवेगावबांध पोलिसांनी घेतली आहे.अन् नवेगावबांध येथील काम ठरले शेवटचेअपघातात ठार झालेले चार तरुण हे मित्र असून, ते एकत्रितपणे सौर पंप फिटिंगचे काम करीत असल्याचे बोलले जाते. नवेगावबांध येथे सौर पंप फिटिंग करण्यासाठी बुधवारी सकाळीच गेले होते. हे काम रात्री १०.३० वाजेच्या सुमारास आटोपले. यानंतर ते त्यांच्या कारने आमगावकडे आपल्या गावी परतण्यासाठी निघाले. मात्र सडक अर्जुनी तालुक्यातील परसोडी जंगलात काळाने त्यांच्यावर घाला घातला.

Candidate	Party	Votes
Agrawal Gopaldas Shankarlal	Bharatiya Janata Party	75827
Amar Prabhakar Warade	Indian National Congress	8938
Dhurwas Bhaiyalal Bhoyar	Bahujan Samaj Party	4704
Atul Alias Kalkeejagatpatee Halmare	Baliraja Party	232
Chaniram Laxman Meshram	Peasants And Workers Party of India	669
Janardan Mohanji Bankar	Vanchit Bahujan Aaghadi	3810
Purushottam Omprakash Modi	Aam Aadmi Party	872
Arunkumar Premlal Chauhan	Independent	303
Kamlesh Murlidhar Ukey	Independent	5246
Kamalesh Ratiram Bawankule	Independent	190
Gajbhiye Pramod Hiraman	Independent	88
Javed Salam Pathan	Independent	180
Jitesh Radhelal Rane	Independent	884
Pralhad Pendhar Mahant	Independent	245
Bhuneshwar Singh Budhram Singh Bhardwaj	Independent	566
Laxman Pandurang Meshram	Independent	1107
Vinod Agrawal	Independent	102996
Vishnu Babulal Nagrikar	Independent	670

Assembly Constituency Result

Maharashtra Assembly Election 2019 - News Gondiya

आरोपीला ३० ऑगस्टपर्यंत पोलीस कोठडी ...

ग्रामीण भागात परंपरा कायम, तंत्रज्ञानाच्या जगात बैलपोळा होणार साजरा ...

भंडारा शहरापासून १० किमी अंतरावर कान्हळमोह शिवारात २ ऑगस्ट रोजी सकाळी ही घटना उघडकीस आली होती. ...

पाणी पातळीत वाढ ...

इच्छुकांची यादी लांबलचक, कुणाला डावलायचे नेत्यांसमोर पेच ...

खोब्याजवळ भीषण अपघात, सौर पंप फिटिंगचे काम करून परतताना दुर्घटना ...