Latest Uttar Pradesh News | Uttar Pradesh Marathi News | Latest Uttar Pradesh News in Marathi | उत्तर प्रदेश: ताज्या मराठी बातम्या

उत्तर प्रदेशातील झाशी येथील मेडिकल कॉलेजच्या चाईल्ड वॉर्डमध्ये शुक्रवारी रात्री लागलेल्या आगीत १० मुलांचा दुर्दैवी मृत्यू झाला. या कालावधीत १६ मुलं गंभीर जखमी झाली. आधी शॉर्ट सर्किटमुळे आग लागल्याचं म्हटलं जात होतं मात्र आता वेगळीच माहिती समोर येत आहेत. प्रत्यक्षदर्शींनी सांगितलं की, एका नर्सने ऑक्सिजन सिलिंडरच्या पाईपला जोडण्यासाठी माचिसची काडी पेटवली आणि आग लागली. यानंतर संपूर्ण वॉर्डने पेट घेतला.झाशीच्या मुख्य वैद्यकीय अधीक्षकांच्या म्हणण्यानुसार, एनआयसीयू वॉर्डमध्ये ५४ मुलांना दाखल करण्यात आलं होतं, अचानक ऑक्सिजन कंन्सन्ट्रेटरला आग लागली ज्यामुळे ऑक्सिजनने भरलेल्या एनआयसीयू वॉर्डमध्ये आग पसरली. झाशी विभागाचे डीआयजी म्हणाले की, आग पूर्णपणे आटोक्यात आली असून जखमींना हलवण्याचं काम सुरू आहे. सीएम योगी यांनी या घटनेची दखल घेत १२ तासांत अहवाल सादर करण्याच्या सूचना दिल्या आहेत.हमीरपूरचे रहिवासी भगवान दास यांच्या मुलाला झाशीच्या राणी लक्ष्मीबाई मेडिकल कॉलेजमध्ये उपचारासाठी दाखल करण्यात आले होते. काल आग लागली तेव्हा भगवान दास वॉर्डमध्ये उपस्थित होते. प्राथमिक तपासात शॉर्ट सर्किट हे कारण सांगितलं जात असलं तरी भगवान दास हा या घटनेचे एकमेव प्रत्यक्षदर्शी असून यामागचं खरं कारण सांगत आहे.भगवान दास यांच्या म्हणण्यानुसार, मुलांच्या वॉर्डमध्ये ऑक्सिजन सिलेंडरच्या पाईपला जोडण्यासाठी नर्सने माचिसची काडी पेटवली. त्यानंतर आग लागली आणि संपूर्ण वॉर्ड पेटला. आग लागल्याचं लक्षात येताच भगवान दास यांनी त्यांच्या गळ्यात असलेला कपडा घेतला आणि ३ ते ४ मुलांना वाचवलं, इतर लोकांच्या मदतीने आणखी काही मुलंही वाचली.धक्कादायक बाब म्हणजे आग लागल्यानंतर ना फायर अलार्म वाजला, ना वॉर्डात ठेवलेल्या सिलिंडरचा काही उपयोग झाला. सिलिंडर फिलिंग डेट २०१९ आहे आणि एक्सपायरी डेट २०२० आहे. म्हणजे अग्निशमन यंत्राची मुदत संपून अनेक वर्षे लोटली होती आणि हे सिलिंडर नुसते दाखवण्यासाठी येथे ठेवण्यात आले होते."माझं पहिलं बाळ... पूर्ण भाजलं"; वंशाचा दिवा, आगीने हिरावून नेला, आई-वडिलांचा टाहो१० चिमुकल्यांचा आगीत होरपळून मृत्यू झाला. तर ३७ जणांना सुखरूप बाहेर काढण्यात आल्याची माहिती मिळत आहे. आगीमुळे रुग्णालयात चेंगराचेंगरी झाली. या दुर्घटनेत अनेक कुटुंबांनी आपली मुलं गमावली. आज तकशी बोलताना एका लहान मुलाचे वडील कुलदीप यांनी टाहो फोडला. त्यांनी सांगितलं की, माझा मुलगा ७-८ तासांपासून बेपत्ता होता. मदतीच्या नावाखाली आजपर्यंत एकही अधिकारी भेटायला आलेला नाही. ही दुर्घटना घडली त्यावेळी वॉर्डमध्ये जवळपास ५० मुलं होती. आग लागल्यावर ज्यांची मुलं होती ते थेट आत घुसले आणि त्यांनीच आपल्या मुलांना वाचवलं.

Uttar Pradesh (Marathi News)

शहरात किराणा दुकान होते, तेथे महिला सामान घेण्यासाठी येत असे. ...

AIMIM प्रमुख म्हणाले, "इंदिरा गांधींनाही हेच वाटायचे आणि योगी-मोदींनाही हे वाटते की, सत्ता कायमच आपल्यासोबत राहील. ...

आधी शॉर्ट सर्किटमुळे आग लागल्याचं म्हटलं जात होतं मात्र आता वेगळीच माहिती समोर येत आहेत. ...