वाशिम ताज्या मराठी बातम्या | washim Online News in Marathi at Lokmat.com

लोकमत न्यूज नेटवर्कवाशिम : जिल्ह्यातील सर्व खासगी शिकवणी वर्ग, कोचिंग क्लासेस, संगणक प्रशिक्षण केंद्र, टंकलेखन प्रशिक्षण संस्था व इतर प्रशिक्षणास त्यांच्या एकूण आसन क्षमतेच्या २५ टक्के किंवा २५ व्यक्ती यापैकी कमी असेल त्या क्षमतेने सकाळी ९ ते सायंकाळी ५ वाजेपर्यंत सुरू करण्यास सशर्त परवानगी देण्यात आली आहे. याबाबतचे आदेश जिल्हाधिकारी शण्मुगराजन एस. यांनी निर्गमित केले आहेत. या आदेशानुसार जिल्ह्यातील सर्व प्रकारची शैक्षणिक प्रशिक्षण केंद्र, खासगी शिकवणी वर्ग, कोचिंग क्लासेस व टंकलेखन प्रशिक्षण संस्था व इतर प्रशिक्षणास मुभा देण्यात आली असून या प्रशिक्षण वर्गातील सर्व विद्यार्थ्यांनी दर १५ दिवसांनी कोरोना चाचणी करून घेणे संस्थेस बंधनकारक राहील. योग्य पद्धतीने मास्क घातल्याशिवाय संस्थेमध्ये प्रवेश देऊ नये. संस्थेत प्रवेशावेळी प्रवेशद्वाराजवळ थर्मल गनद्वारे प्रत्येक विद्यार्थ्याची तपासणी करणे आवश्यक राहील. प्रत्येक बॅचनंतर वर्गखोली निर्जंतुकीकरण करणे आवश्यक राहील. संस्था चालकांनी विद्यार्थी योग्यप्रमाणे मास्क परिधान करून, सुरक्षित अंतर राखत आहेत किंवा कसे याची खात्री करण्यासाठी पुरेसा कर्मचारी वर्ग ठेवणे आवश्यक राहील. या नियमांचे उल्लंघन करणारी शैक्षणिक प्रशिक्षण केंद्र, खासगी शिकवणी वर्ग, कोचिंग क्लासेस, शिक्षण संस्था केंद्र सरकारने कोरोना ही राष्ट्रीय आपत्ती म्हणून अधिसूचित असेपर्यंत बंद करण्यात येईल. तसेच नियमांचे उल्लंघन करणाऱ्या आस्थापना मालकांवर १० रुपये दंड आकारण्यात येईल व कायदेशीर कारवाई करण्यात येईल. या आदेशाचे भंग करणाऱ्या कोणत्याही व्यक्तीने भारतीय दंड संहिता १८६० च्या कलम १८८ अन्वये शिक्षापात्र असलेला अपराध केला आहे, असे मानण्यात येईल व संबंधितांवर सदर कलमानुसार व साथरोग अधिनियम १८९७, आपत्ती व्यवस्थापन कायदा २००५ अन्वये कारवाई करण्यात येईल. अशा व्यक्ती, संस्था, संघटना यांच्यावर भारतीय दंड संहितेचे कलम १८८ अन्वये गुन्हे दाखल करण्यासाठी संबंधित पोलीस स्टेशनचे पोलीस उपनिरीक्षक दर्जापेक्षा कमी नाही, अशा अधिकाऱ्यास यापूर्वी निर्गमित केलेल्या आदेशानुसार पुढील आदेशापर्यंत प्राधिकृत करण्यात असल्याचे आदेशात नमूद करण्यात आले आहे.

वाशिम, मराठी बातम्याFOLLOW

Washim, Latest Marathi News

CoronaVirus Cases: ७० व ८० वर्षीय वृद्धांचा कोरोनाने मृत्यू झाला असून नव्याने तब्बल ५७५ रुग्ण निष्पन्न झाले आहेत. ...

Police officer beaten in Washim तिघांनी ‘आज गाडी चलान करके दिखा’, असे म्हणत सोन्नर यांना दमदाटी करून मारहाण केली. ...

80 shops closed in Washim district आस्थापनांची तपासणी सुरू झाली असून आज मालेगाव, कारंजा, शेलूबाजार - ८० दुकाने बंद करण्यात आली आहेत. ...

Corona Vaccine : मागणीएवढा पुरवठा न झाल्यास लसीकरणात अडथळा निर्माण होईल, अशी शक्यता वर्तविण्यात येत आहे. ...

Corona Home aisolation patients सौम्य लक्षणे असणाऱ्या १५०० पेक्षा अधिक रुग्णांना गृह विलगीकरणात ठेवण्यात आले आहे. ...

Accident : ही घटना मेडशीपासून (ता.मालेगाव) १० किलोमिटर अंतरावरील सुकांडा येथे शुक्रवारी दुपारी घडली. ...

Permission to start private tuition classes in Washim district सकाळी ९ ते सायंकाळी ५ वाजेपर्यंत सुरू करण्यास सशर्त परवानगी देण्यात आली आहे. ...