अध्यात्मिक ताज्या मराठी बातम्या | spiritual Online News in Marathi at Lokmat.com

सद्गुरू जग्गी वासुदेवमी योग-क्रियांवर लक्ष केंद्रित करण्यासाठी धडपडत आहे. त्यात सुधारणा झाली आहे, परंतु सर्व शक्तिनीशी लक्ष केंद्रित करून, समाधीच्या गहन अवस्थेचा अनुभव कसा घ्यावा, याविषयी आपण मला सांगू शकाल का, असा प्रश्न मला कुणी विचारतो. लक्ष केंद्रित करण्याचा प्रयत्न करू नका. कोणत्या तरी गोष्टीत स्वत:ला गुंतवून घेण्याचा प्रयत्न करा. तुम्ही एखाद्या गोष्टीत खोलवर समरस झालात, तर लक्ष आपोआप केंद्रित होते. ज्या ठिकाणी मनापासून सहभाग नसतो, तिथे तुम्ही लक्ष केंद्रित करण्याचा प्रयत्न केलात, तर तो एक छळ होईल; एकाग्रता साधता येणार नाही. उदाहरणार्थ, बहुतांश मुलांना त्यांची पाठ्यपुस्तके म्हणजे एक प्रकारचा छळ वाटतो. त्यात लिहिलेल्या गोष्टी रंगतदार नसतात, म्हणून नाही. कित्येक विलक्षण गोष्टी एका लहानशा पाठ्यपुस्तकात लिहिलेल्या असतात, पण त्या कदाचित निरसतेने लिहिल्या गेल्या असतील. ते ज्या पद्धतीने सादर केले आहे, केवळ त्यामुळे असे घडते.जर तुम्ही मुलांना एखाद्या गोष्टीत गुंतवून ठेवलेत, तर तुम्हाला त्यांचे लक्ष केंद्रित करण्याविषयी काळजी करावी लागणार नाही. ते सदैव एकाग्र राहू शकतील. तुमच्या बाबतीतही हेच लागू पडते. एखाद्या गोष्टीत सहभागी न होता आणि गुंतवून न घेता, तुम्ही जर तुमचे मानसिक लक्ष केंद्रित करण्याचा प्रयत्न केलात, तर त्यामुळे केवळ तुमचा छळच होईल, स्वास्थ्य लाभणार नाही. तुम्ही ज्या गोष्टीवर लक्ष द्यायचा प्रयत्न करीत आहात, तिथे लक्ष केंद्रित करण्याचा प्रयत्न करण्याऐवजी त्यावर तुमचे प्रेम जडायला हवे. हे मी अनेक वेळा सांगितले आहे. समजा, तुम्ही शेजारच्या मुलीच्या प्रेमात पडलात, तर त्या मुलीवर लक्ष केंद्रित करा, हे मी तुम्हाला सांगायला पाहिजे का? नाही. म्हणजेच तुम्ही केवळ एखाद्या गोष्टीच्या प्रेमात पडणे आवश्यक आहे. तुम्ही कोणत्याही गोष्टीच्या प्रेमात पडू शकता. त्यानंतर लक्ष केंद्रित करणे, आपोआप होईल.

अध्यात्मिक, मराठी बातम्याFOLLOW

Spiritual, Latest Marathi News

इंद्रियांच्या आहारी मानवाने जाऊ नये. इंद्रियांच्या कोडकौतुकात खरा आनंद नसतो. ...

बहूतेक लोकांनी त्यांच्या व्यक्तिमत्वाचा मोठा भाग नकळत किंवा त्यांच्या अचेतन अवस्थेमध्ये बनविला आहे ...

क्षणिक आणि अल्पकालीन सुखाच्या मागे लागून दीर्घकालीन दु:ख ओढवून घेणे उचित नाही. ...

‘‘पार्था, तुला एक महत्त्वाचा विचार सांगतो की, माझ्या असंख्य विभूती आहेत. ...

नदी ज्या प्रमाणे सर्वस्वी समुद्राला जाऊन मिळते व सागर रूप बनते. तसा परम प्रेमाने भक्त भगवंतालाच जाऊन मिळतो. ...

आजकालच्या काचाबंद इंटरनॅशनल स्कूलचं जंगल वाढतच चाललंय ...

व्यामोहावर मात करू, बंधमुक्तीची आस धरू। ...