Thane Marathi News | ठाणे मराठी बातम्या | Latest Thane News in Marathi | ठाणे ताज्या बातम्या | Thane Crime Marathi News | ठाणे ब्रेकिंग न्यूज़| Breaking & Live Thane News | Today's Thane News paper

सदानंद नाईक उल्हासनगर : कॅम्प नं-४, शिवनेरी रुग्णालयाचे डॉ प्रभू आहुजा यांनी एका बेशुद्ध रुग्णाला रुग्णालया बाहेर रिक्षात तपासून मृत घोषित केल्याचा प्रकार उघड झाला. नातेवाईकानी रुग्णाला घरी नेऊन अंत्यविधीची तयारी सुरु केली असता, मृत व्यक्तीने हालचाल केली. जिवंत झालेल्या व्यक्तीला क्रिटीकेअर रुग्णालयात नेवून उपचार केल्यावर ते ठणठणीत बरे होऊन जेवणही केले. याप्रकाराने खाजगी रुग्णालय प्रशासनाच्या कारभारावर प्रश्नचिन्हे उभे ठाकले आहे. उल्हासनगर कॅम्प नं-४ परिसरात राहणारे वृद्ध अभिमान तायडे यांच्यावर जे जे रुग्णालयात कॅन्सरचे उपचार सुरु होते. त्यांना १५ दिवसापूर्वी घरी आणण्यात आले होते. शनिवारी सकाळी त्यांची तब्येत बिघडल्यावर नातेवाईकांनी त्यांना रिक्षात बेशुद्ध अवस्थेत उपचार करण्यासाठी शिवनेरी रुग्णालयात नेले. रुग्णालयाचे प्रमुख डॉ प्रभू आहुजा यांनी सकाळी साडे आठ वाजता रुग्णालया बाहेरील रिक्षात बेशुद्ध अभिमान तायडे यांची तपासणी करून, त्यांना मृत घोषित केले. तसेच मृत्यू प्रमाणपत्र दिल्याचा आरोप नातेवाईकांचा केला. मृत घोषित केलेल्या अभिमान तायडे यांना घरी आणल्यावर त्यांच्यावर अंत्यविधी करण्याची तयारी नातेवाईकानी सुरु केली. यावेळी मृत तायडे यांची हालचाल झाली. त्यांना पुढील उपचार करण्यासाठी कॅम्प नं-३ येथील क्रीटीकेअर रुग्णालयात हलविले. क्रिटीकेअर रुग्णालयात अभिमान तायडे यांच्यावर उपचार सुरु झाल्यावर, त्यांना काही वेळात बरे वाटून नातेवाईका सोबत जेवण केले. नातेवाईकांनी शिवनेरी रुग्णालयाच्या डॉक्टर व कारभारा बाबत नाराजी व्यक्त केली. याप्रकाराने खाजगी रुग्णालय प्रशासनावर प्रश्नचिन्हे उभे ठाकले असून कारवाईची मागणी होत आहे. शिवनेरी रुग्णालय जूने व विश्वासू असून बहुतांश राजकीय नेते मंडळी व त्यांचे कुटुंब याच ठिकाणी उपचार घेतात. असे बोलले जाते.शिवनेरी रुग्णालयात वृद्ध अभिमान तायडे यांना बेशुद्ध अवस्थेत रिक्षाने सकाळी साडे वाजता आणले होते. रिक्षात त्यांची तपासणी करून, त्यांना व्हेन्टेलेटर असलेल्या रुग्णालयात त्वरित नेण्याचे नातेवाईकांना सुचविले. त्यानंतर त्यांच्या नातेवाईकानी रुग्णालयात येऊन अभिमान तायडे यांचे मृत्यू प्रमाणपत्र मागितले. त्यांच्यावर विश्वास ठेवून अभिमान तायडे यांचे मृत्यू प्रमाणपत्र दिले. ही माझी मोठी चूक आहे. मृत्यू प्रमाणपत्र दिल्यावर नातेवाईकानी बेशुद्ध रुग्ण दुसऱ्या रुग्णालयात उपचार दरम्यान ठणठणीत असल्याचे सांगितले. - डॉ प्रभू आहुजा - शिवनेरी रुग्णालय प्रमुख

Thane (Marathi News)

Mumbai Railway Accident: मुख्य सचिव सुजाता सौनिक यांचे यंत्रणांना निर्देश ...

Thane Rains: ठाणे जिल्ह्याला रविवारी रात्रीपासून पावसाने झाेडपले. ...

Thane Kalwa Murder: ठाण्यातील कळवा परिसरात बांधकाम सुरू असलेल्या एका इमारतीत महिलेची गळा आवळून हत्या करण्यात आली. ...

अंत्यविधीची तयारी असताना मृत व्यक्ती झाला उभा, रुग्णालयात नेताच ठणठणीत, जेवणही केले ...