Solapur Marathi News | सोलापूर मराठी बातम्या | Latest Solapur News in Marathi | सोलापूर ताज्या बातम्या | Solapur Crime Marathi News | सोलापूर ब्रेकिंग न्यूज़| Breaking & Live Solapur News | Solapur Local News Update| Today's Solapur News paper

राकेश कदम सोलापूर : क्लोरिनच्या गॅसमुळे जलशुध्दीकरणास मदत होते. पण या गॅसमुळे पाण्याच्या टाक्या खंगत असल्याचे दिसून येत आहे. महापालिकेची जुळे सोलापुरातील दुसरी पाण्याची टाकी अशाच पध्दतीने खंगली होती. या टाकीच्या दुरुस्तीचे काम आता अंतिम टप्प्यात आले आहे. जूनपर्यंत हे काम पूर्ण झाल्यास जुळे सोलापुरात आणखी १३ एमएलडी जादा पाणी साठविणे शक्य होणार आहे. जुळे सोलापुरातील जलवितरण केंद्राच्या परिसरात जमिनीलगत १३ एमएलडी साठवण क्षमतेच्या एकूण दोन पाण्याच्या टाक्या आहेत. पाणीपुरवठा अधिकारी संजय धनशेट्टी यांनी दिलेल्या माहितीनुसार, जुळे सोलापुरातील १३ एमएलडी क्षमतेची पहिली पाण्याची टाकी १९६४ साली बांधण्यात आली तर दुसरी १३ एमएलडी क्षमतेची पाण्याची टाकी १९८५ साली बांधण्यात आली होती. क्लोरिनच्या मात्रेमुळे पहिल्या टाकीचा स्लॅब खराब झाला होता. सात ते आठ वर्षांपूर्वी त्याची दुरुस्ती करण्यात आली. अमृत योजनेतून दुसºया टाकीचा स्लॅब, पिलर्स दुरुस्तीचे काम दोन वर्षांपूर्वी सुरू करण्यात आले. हे काम पूर्ण करण्यासाठी ठेकेदाराला दोन वर्षांची मुदत होती. त्यानुसार जून महिन्यात काम पूर्ण होईल. जुळे सोलापूर जलवितरण केंद्रावरुन शहराच्या बहुतांश भागाला पाणीपुरवठा होतो. सोरेगाव योजनेतून येणारे पाणी थेट या टाक्यांमध्ये सोडले जाते. पाकणी येथून येणारे पाणी एका टाकीत सोडले जाते. पण पाकणीतून येणारे पाणी गावठाण भागात वितरित होत येते. या केंद्रावर सध्या केवळ एकाच १३ एमएलडी टाकीत पाणी साठविले जात आहे. या टाकीतून दोन उंचावरील टाकीत पाणी सोडले जाते. तेथून ग्रॅव्हिटीने शहराच्या विविध भागात पाणीपुरवठा होतो. दुसºया टाकीचे काम पूर्ण झाल्यास जादा १३ एमएलडी पाणी साठवण होईल. वादळ, वारा, वीज टंचाईच्या काळात साठविण्यात आलेल्या पाण्याचा उपयोग होईल. क्लोरिनचा असाही तोटा शहरवासीयांना जंतूविरहित पाणी मिळावे यासाठी जलवितरण केंद्रांतील पाण्याच्या टाक्यांमध्ये पिवळ्या रंगाचा क्लोरिनचा गॅस सोडण्यात येतो. या क्लोरिनच्या गॅसमुळे पाण्याच्या टाक्यांचा स्लॅब खराब होतो. स्लॅबमधील लोखंडाच्या सळया गंजतात. पत्रा आणि स्लॅबच्या खपल्या निघतात आणि त्या थेट पाण्यात मिसळतात. कामाला गती हवी, नगरसेवकांची मागणीउन्हाळ्यापूर्वीच महापालिका प्रशासनाने दुसºया पाण्याच्या टाकीचे काम पूर्ण करणे अपेक्षित होते. गेल्या दोन वर्षांपासून हे काम सुरू आहे. मे महिन्यात हे काम पूर्ण झाल्यास शहराला त्याचा मोठा फायदा होणार आहे. युआयडी योजनेतून साकारण्यात आलेल्या उंचावरील पाण्याच्या टाकीचे काम पूर्ण झाले आहे. या टाकीत पाणी सोडण्याची चाचणी लवकरच घेतली जाणार आहे. पाईनलाईनलाही दणकाक्लोरिन गॅसमुळे पाण्याच्या टाक्यांसह पाईनलाईनही खराब होते. शहरातील अनेक पाईप खराब झाले आहेत़ महापालिकेचे कर्मचारी वारंवार ही यंत्रणा दुरुस्त करण्याचे काम करतात, असेही पाणीपुरवठा अधिकारी सिध्देश्वर उस्तुरगी यांनी सांगितले.

Solapur (Marathi News)

पद्मशाली शिक्षण संस्था निवडणुक विश्लेषण; विधानसभेला विरोध होईल म्हणून महेश कोठे यांनी तटस्थ राहणे केले पसंत ...

दुष्काळग्रस्त डोंबरजवळगेत मुंबईत वसलेल्या आशाबार्इंनी स्वखर्चातून मारली बोअरवेल ...

मदतीचा हात; सोलापूर लोकसभा निवडणुकीतील मतदानदिनी अपंग, वयोवृद्धांना पोहोचवले बुथपर्यंत ...

पुणेरी सोलापूरकरांना दिलासा; वाढलेल्या डब्यांमुळे तिकीट कन्फर्मची कटकट मिटली ...

मार्डीच्या युवकाचा प्रयोग; सेंद्रिय शेतीबरोबरच पशुपालन, शेळ्या, सशांचेही संगोपन ...

क्लोरिनच्या गॅसमुळे जलशुध्दीकरणास मदत होते. पण या गॅसमुळे पाण्याच्या टाक्या खंगत असल्याचे दिसून येत आहे. ...