Latest National News | National Marathi News | Latest National News in Marathi | राष्ट्रीय: ताज्या मराठी बातम्या

नशिबाची साथ नसेल, तर प्लॅन किती चांगला असला तरी फसतोच. एका चोरासोबतही तेच झालं. त्याने चोरी करण्याचा प्लॅन बनवला. घरात कुठून शिरायच तेही ठरवलं, पण प्रत्यक्षात घरात शिरायला गेला तेव्हा वेगळंच घडलं. एक्झॉस्ट फॅनसाठीच्या जागेतून घरात शिरतानाच तो अडकला आणि त्यानंतर नाट्यमय प्रकार घडला. हा सगळा प्रकार मोबाईलमध्ये शूट केला गेला. राजस्थानातील कोटा जिल्ह्यात ही घटना घडली आहे. सुभाष कुमार रावत यांच्या घरात चोरी करण्यासाठी आरोपी घुसणार होता. पण, तो एक्झॉस्ट फॅनच्या जागेतच अडकला. एक्झॉस्ट फॅनच्या जागेत अडकला चोर, व्हिडीओ बघासुभाष कुमार रावत हे त्यांच्या पत्नीसोबत ३ जानेवारी रोजी खाटूश्यामजी दर्शनासाठी गेले होते. ४ जानेवारी रोजी रात्री ते परत आले. दरवाजा उघडल्यानंतर त्यांना स्वयंपाक घरात असलेल्या एक्झॉस्ट फॅनच्या जागेत व्यक्ती अडकलेला दिसला. अडकलेल्या व्यक्तीला बघून ते घाबरले. त्यांनी आरडाओरड करण्यास सुरूवात केली. त्यांचा आवाज ऐकून शेजारी त्यांच्या घरी आले. त्यावेळी चोरासोबत असलेला त्याचा साथीदार पळून गेला. एक्झॉस्ट फॅनच्या जागेत अडकलेल्या चोराने घरमालक आणि तिथे जमा झालेल्या लोकांना धमक्या द्यायला सुरुवात केली. मला जाऊ द्या. माझे अनेक साथीदार या परिसरात आहे. तुम्हाला सोडणार नाही, असे तो म्हणत होता. लोकांनी लगेच पोलिसांना कॉल केला आणि याची माहिती दिली. बोरखेडा पोलीस ठाण्याचे अधिकारी आणि कर्मचारी लगेच तिथे आले. त्यांनी बराच वेळ प्रयत्न करून चोराला एक्झॉस्ट फॅनच्या जागेतून बाहेर काढले आणि त्याला अटक केली. पोलीस सध्या त्याची चौकशी करत आहे. चोर त्याच्या साथीदारासह ज्या कारमधून आला होता. त्या कारवर पोलीस असल्याचे स्टिकर लावलेले होते. ती कारही पोलिसांनी जप्त केली आहे.

National (Marathi News)

राजस्थानच्या धौलपूर जिल्ह्यातून एक मन हेलावून टाकणारी घटना समोर आली आहे. ...

​​​​​​​पलंगावर बसून रील पाहणाऱ्या १० वर्षांच्या मयंकसोबत एक धक्कादायक घटना घडली आहे. ...

दिल्लीतील जवाहरलाल नेहरू विद्यापीठ पुन्हा एकदा वादाच्या भोवऱ्यात सापडले आहे. ...

पतीला टक्कल पडली होती. तो विग वापरत होता, लग्न ठरत असताना त्याने विग वापरले होते. ...

Sonia Gandhi Health Update: डॉक्टरांचे एक पथक त्यांच्या प्रकृतीवर लक्ष ठेवून आहे. ...

सोशल मीडियावर एक प्यारवाली लव्हस्टोरी तुफान व्हायरल होत आहे. ...

पलंगावर बसून रील पाहणाऱ्या १० वर्षांच्या मयंकसोबत एक धक्कादायक घटना घडली आहे. ...