Latest National News | National Marathi News | Latest National News in Marathi | राष्ट्रीय: ताज्या मराठी बातम्या

लहान भाऊ, त्याची पत्नी आणि त्याच्या मुलीची मोठ्या भावाने कुऱ्हाडीने घाव घालत हत्या केली. कुऱ्हाडीनेच त्यांचे तुकडे केले. तिहेरी हत्याकांडाची वार्ता गावभर पसरली आणि सगळे गाव हादरले. ओडिशातील क्योंझर जिल्ह्यातील आनंदपूर भागात असलेल्या नियालिझरन गावात ही घटना घडली आहे. पोलिसांनी सांगितले की, रविवारी रात्री तिघांची हत्या करण्यात आली. प्राथमिक तपासातून जमिनीच्या वादातून तिघांना मारण्यात आल्याचे समोर आले आहे. जमिनीचा वाद, कुऱ्हाडीने हल्लापोलिसांनी सांगितले की, प्राथमिक तपासानुसार लक्ष्मण सोरेन याने त्याचा छोटा भाऊ जितेंद्र सोरेन, जितेंद्रची पत्नी आणि त्याची मुलगी यांच्यावर कुऱ्हाडीने हल्ला केला. कुऱ्हाडीचे घाव घालत तिघांची हत्या केली. कुटुंबात बऱ्याच काळापासून वाद सुरु आहेत. जमिनीच्या मुद्द्यावरून वाद असून, गेल्या काही काळात तो वाढला होता. अनेक वर्षांपासून सुरू असलेल्या जमिनीच्या वादात तिघांची हत्या करावी, असे काय घडले, हे अद्याप समोर आलेले नाही. गावातील लोकांनी सांगितले की, भावांमध्ये संपत्तीच्या अधिकारावरून वाद सुरू होता. हा वाद दिवसेंदिवस वाढत होता. त्यानंतर रविवारी रात्री मोठ्या भावाने छोट्या भावाचे पूर्ण कुटुंबच उद्ध्वस्त केले. पोलिसांनी दोघांना घेतले ताब्यातमाहिती मिळताच पोलीस घटनास्थळी पोहोचले. त्यांनी लक्ष्मण सोरेन याला ताब्यात घेतले. लक्ष्मण सोरेन याच्या चौकशीतूनच तिघांच्या हत्येच्या कारणाचा उलगडा होईल, असे पोलिसांनी सांगितले. आनंदपूर उप विभागीय पोलीस अधिकारी कमल पांडा यांनी सांगितले की, आम्ही दोन लोकांना ताब्यात घेतले आहेत. यात एक मुख्य आरोपी आहे. एक कुटुंबातील नातेवाईकही आहे. सुरूवातीच्या तपासातून माहिती मिळाली आहे की, दीर्घकाळापासून सुरू असलेल्या जमीन वादात ही घटना घडली आहे. आम्ही इतर अंगानेही या प्रकरणाचा तपास करत आहोत.

National (Marathi News)

रुग्णालयाजवळ पोहोचूनही एका रुग्णाला रुग्णवाहिकेचा दरवाजा वेळेवर न उघडल्यामुळे आपला जीव गमवावा लागला. ...

पश्चिम बंगालमध्ये विधानसभा निवडणुकीपूर्वी राजकारण तापलं आहे. ...

झेंडा वंदनानंतर टीना दाबी यांनी चुकीच्या दिशेने सॅल्युट केल्याने त्या ट्रोल झाल्या आहेत. ...