Latest National News | National Marathi News | Latest National News in Marathi | राष्ट्रीय: ताज्या मराठी बातम्या

लखनौ - उत्तर प्रदेशच्या लखनौ येथील आशियाना परिसरात हृदयद्रावक घटना घडली आहे. याठिकाणी बेपत्ता पॅथोलॉजी संचालकाचा मृतदेह त्यांच्याच घरातील एका निळ्या रंगाच्या ड्रमात सापडल्याने परिसरात खळबळ माजली. पोलिस तपासात जे सत्य समोर आले त्याने बाप-लेकाच्या नात्याला काळिमा फासला. शिक्षण आणि करिअरवरून बाप आणि मुलामध्ये वाद झाला होता आणि त्यातूनच ही दुर्दैवी घटना घडली.'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!या घटनेतील मृत व्यक्ती वर्धमान पॅथोलॉजीचे मालक मानवेंद्र सिंह होते. २० जानेवारीपासून ते बेपत्ता असल्याचं समोर आले. सुरुवातीला त्यांच्या बेपत्ता होण्याची तक्रार कुटुंबाने नोंदवली होती. परंतु मानवेंद्र सिंह यांच्या बेपत्ता होण्यामागे इतके भयावह कारण असेल याची घरच्यांना माहिती नव्हती. सोमवारी मानवेंद्र यांच्या घरातील खोलीत एका ड्रममध्ये मृतदेह सापडला. ज्यानंतर मानवेंद्र सिंह यांची हत्या झाल्याचा अंदाज घेत पोलिसांनी तपासाची सूत्रे वेगाने फिरवली. माहितीनुसार, घटनेच्या दिवशी म्हणजे २० जानेवारीला सकाळी वडील आणि मुलामध्ये शिक्षण, स्पर्धा परीक्षेची तयारी यातून मोठा वाद झाल्याचे समोर आले.या दोघांच्या वादात संतापलेल्या वडिलांनी त्यांच्या परवानाधारक रायफलमधून मुलाला घाबरवण्याचा प्रयत्न केला. मुलाने शांत होण्याचा प्रयत्न केल्याने वडिलांनी रायफल बाजूला ठेवून दिली. नेमकी याच संधीचा फायदा घेत मुलाने ही रायफल उचलली आणि वडिलांच्या छातीत गोळी झाडली. या घटनेत मानवेंद्र सिंह यांचा जागीच मृत्यू झाला. गोळीचा आवाज ऐकून घरातील १६ वर्षीय मुलगी जी सध्या अकरावीत शिक्षण घेत आहे. ती खाली आली मात्र मुलाने बहिणीला धमकावले असल्याचे पोलिसांनी सांगितले. बहिणीने या घटनेची कुठे वाच्यता केली तर तुलाही मारून टाकेन अशी धमकी भावाने दिली होती. भीतीमुळे बहिणीने हा प्रकार कुणाला सांगितला नाही.मृतदेहाचे तुकडे करून ड्रममध्ये भरलेया घटनेनंतर आरोपी मुलाने पुरावे मिटवण्याचा प्रयत्न केला. मृतदेह घराच्या तिसऱ्या मजल्यावरून खालच्या मजल्यावर आणला. तिथे मृतदेहाचे तुकडे करून त्याची विल्हेवाट लावली. काही अवयव सदरौना भागात फेकल्याची माहिती आहे. शरीरातील इतर हिस्सा ड्रममध्ये लपवून ठेवला होता. मुलाने नीट परीक्षेची तयारी करावी यासाठी वडील त्याच्यावर दबाव आणायचे. सातत्याने त्याला ओरडायचे त्यातून मुलगा खूप नाराज होता. अनेकदा या गोष्टीवरून घरात वाद झाला होता. या वादाचा परिणाम अखेर वडिलांच्या हत्येत झाला. हत्येनंतर मुलाने करवतीने वडिलांच्या मृतदेहाचे तुकडे केले आणि ते ड्रममध्ये भरले.मानवेंद्र सिंह जेव्हा ४ दिवस घरी परतले नव्हते तेव्हा घरच्यांना संशय आला त्यांनी पोलीस ठाण्यात गुन्हा दाखल केला. जेव्हा पोलीस तपास करू लागले तेव्हा वडिलांनी आत्महत्या केली असेल असं मुलाने सांगितले. परंतु मुलाच्या जबाबावर पोलिसांना संशय आला. त्यांनी खाकीचा धाक दाखवत मुलाची उलट तपासणी केली तेव्हा त्याने गुन्ह्याची कबुली दिली. मात्र अचानक घडलेल्या वादातून ही हत्या झालीय की यामागे आणखी काही कारण आहे याचा पोलीस शोध घेत आहेत. आरोपी मुलाला ताब्यात घेतले असून कायदेशीर प्रक्रिया सुरू आहे.

National (Marathi News)

एका मुलाने आपल्याच वडिलांची गोळ्या झाडून हत्या केली. ...

तुम्ही अनेकदा दिवसा विमानांचा आवाज जास्त येत असल्याचे पाहिले असेल. परंतु रात्री तो आवाज कमी होतो. ...

विमानाने धावपट्टीवरून उड्डाण केल्यानंतर अवघ्या काही मिनिटांतच विमानातील तांत्रिक बिघाड समोर आला. ...

या बैठकीत EVM ची पारदर्शकता आणि सुरक्षिततेशी संबंधित पैलू देखील तपशीलवार स्पष्ट केले जातील. ...