Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

राकेश सिन्हा यांचा सवाल : ‘बौद्धिक दहशतवाद’ विषयावर व्याख्यानाचे आयोजननागपूर : दादरी हत्याकांडांनंतर देशभरात असहिष्णुतेची ओरड करून साहित्यिकांनी पुरस्कारवापसीची मोहीमच सुरू केली होती. परंतु पश्चिम बंगाल येथील ‘मालदा’ येथे झालेल्या हिंसाचारावर कुणीही टिप्पणी केलेली नाही. दादरी व बाबरीच्या मुद्यावर प्रसिद्धी मिळविणारे हे साहित्यिक आता गप्प का आहेत, असा प्रश्न दिल्ली विद्यापीठाचे प्राध्यापक तसेच संघ विचारांचे अभ्यासक डॉ.राकेश सिन्हा यांनी उपस्थित केला. सनातन धर्म युवक सभा व ‘जम्मू-काश्मीर स्टडी सेंटर’च्या संयुक्त विद्यमाने रविवारी ‘बौद्धिक दहशतवाद-एक आव्हान’ या विषयावर व्याख्यानाचे आयोजन करण्यात आले होते. यावेळी डॉ.सिन्हा बोलत होते.काटोल मार्ग चौकाजवळील बाल सदन सांस्कृतिक संकुल येथे आयोजित या कार्यक्रमाला श्रीकांत भांगडिया हे मुख्य अतिथी होते. गेल्या काही काळापासून देशात असहिष्णुतेचे नाव समोर करून राजकारण करण्याचे प्रयत्न सुरू आहेत. यात प्रामुख्याने स्वत:ला डावे, समाजवादी व धर्मनिरपेक्ष म्हणवून घेणारे पक्ष आघाडीवर आहेत. काही साहित्यिकांना हाताशी धरून त्यांनी असहिष्णुतेचे स्तोम माजविले. परंतु हेच लोक एके काळी असहिष्णू होते व इतिहासात याची नोंद आहे, असे सिन्हा म्हणाले. आपल्या देशाची संस्कृती ही सर्वांना सामावून घेणारी आहे. तरीदेखील असहिष्णुतेचे आरोप होतात. या सर्वांना तथ्य आणि तर्काच्या आधारावरच उत्तर दिले गेले पाहिजे.वरील तिन्ही प्रकारच्या पक्षांमुळे देशात बौद्धिक असहिष्णुता तयार झाली, असा आरोप सिन्हा यांनी केला. यावेळी त्यांनी ‘एमआयएम’ पक्षाचे अध्यक्ष असदुद्दीन ओवैसी यांच्या धोरणांवरदेखील टीका केली.एक काळ होता ज्यावेळी राजकारण आणि समाजकारणात फारसे अंतर नव्हते. परंतु आता मात्र राजकारण समाजकारणावर वरचढ ठरते आहे व बुद्धिजीवीदेखील यात ओढले जात आहेत. एखाद्या व्यक्तीमध्ये विद्वत्ता असण्यासोबतच त्याचा दृष्टीकोनदेखील सकारात्मक हवा.जर असे नसेल तर मग बौद्धिक दहशतवादाचा जन्म होतो. आपल्या देशातील संस्कृतीच्या आधारावरच या बौद्धिक आव्हानाचा सामना करावा लागेल, असेदेखील ते म्हणाले. यावेळी भांगडिया यांनीदेखील आपले मत मांडले. (प्रतिनिधी)

Nagpur (Marathi News)

यवतमाळ जिल्ह्यातील घाटंजी येथे पैनगंगा नदीवर बांधण्यात येत असलेला निम्न पैनगंगा प्रकल्प कधी पूर्ण होणार,.. ...

महाराष्ट्र औद्योगिक विकास महामंडळाने ६ जानेवारी २०१२ रोजी जारी केलेल्या परिपत्रकानुसार... ...

राष्ट्रधर्म कीर्तन महोत्सवात रंगणार क्रांतिकारकांचे चरित्र ...

महिलांचा मान-सन्मान झाला, तर समाजाचा सन्मान होईल. त्यामुळे प्रत्येक समाजात महिलांचा सन्मान झाला पाहिजे, ...

देशातील निर्यातीमध्ये औषधांचा फार मोठा वाटा आहे. पुढील काळात औषध उद्योगाला चालना देण्याची गरज आहे. ...

दादरी हत्याकांडांनंतर देशभरात असहिष्णुतेची ओरड करून साहित्यिकांनी पुरस्कारवापसीची मोहीमच सुरू केली होती. ...