Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

गणेश हूड।लोकमत न्यूज नेटवर्कनागपूर : मुंबईच्या घाटकोपर येथील साई दर्शन ही चार मजली इमारत कोसळून १७ जणांचे बळी गेले. या पार्श्वभूमीवर नागपूर शहरातील जीर्ण व मोडकळीस आलेल्या इमारतींचा मुद्दा ऐरणीवर आला आहे. शहरातील अशा ५९ इमारती म्हणजे मृत्यूचा सापळा आहे. पावसाळ्याच्या दिवसात कोणत्याही क्षणी या इमारती कोसळून प्राणहानी होण्याचा धोका निर्माण झाला आहे. महापालिका प्रशासनाने या इमारतींवर तातडीने कारवाई करण्याची गरज आहे.शहरातील जीर्ण व मोडकळीस आलेल्या इमारतींमुळे अपघाताचा धोका विचारात घेता महापालिकेच्या झोन कार्यालयांनी सर्वेक्षण करून अशा २२१ इमारतींचा शोध घेतला. सहायक अभियंत्यांनी या इमारतींचे स्ट्रक्चरल आॅडिट केल्यानंतर २२० इमारतधारकांना नोटीस बजावल्या होत्या. यातील ९७ इमारती हटविण्यात आल्या व ६३ इमारतींना दुरुस्तीसाठी नोटीस बजावण्यात आल्या आहेत. एक इमारत रिकामी करण्यात आली आहे. ४२ प्रकरणात कारवाईची प्रक्रिया सुरू केली असून १७ प्रकरणे न्यायालयात असल्याने कारवाई तूर्त थांबविण्यात आली आहे.जीर्ण इमारती असलेल्या वस्त्याशहरातील इतवारी, गांधीबाग, महाल, सदर, बगडगंज, सक्करदरा, पाचपावली, जुनी मंगळवारी, दिघोरी, पारडी, शिवणगाव, जयताळा, गिट्टीखदान, गरोबा मैदान आदी भागात जीर्ण इमारतींची संख्या अधिक आहे. अशा इमारतींमुळे बाजूच्या इमारतींना धोका होण्याची शक्यता आहे. गेल्या वर्षी पावसाळ्यापूर्वी अग्निशमन विभागाने शहरातील जीर्ण घरांची यादी पाठवून झोन कार्यालयांना कारवाई करण्यास सांगितले होते. परंतु अजूनही अनेक इमारतींवर कारवाई करण्यात आलेली नाही.जीर्ण इमारतींवर तातडीने कारवाईजीर्ण व मोडकळीस आलेल्या इमारतीमुळे दुर्घटना होण्याची शक्यता विचारात घेता अशा इमारतींचा सर्वे करण्यात आला आहे. झोन कार्यालयांना संबंधितावर कारवाई करण्याचे निर्देश देण्यात आले आहे. त्यानुसार नोटीस बजावून ९७ इमारती पाडण्यात आल्या आहे. ६३ इमारतींची दुरुस्ती हाती घेण्यात आली आहे. ४२ प्रकरणात कारवाईची प्रक्रिया सुरू आहे. यातील अतिधोकादायक इमारतींवर तातडीने कारवाई केली जाणार आहे.- रवींद्र कुंभारे,अतिरिक्त आयुक्त महापालिका१७ प्रकरणे न्यायालयातमोडकळीस आलेल्या इमारतधारकांना महापालिकेच्या झोन कार्यालयांनी नोटिसा बजावल्या आहेत. सतरंजीपुरा झोनमध्ये सर्वाधिक ६४ इमारती जीर्ण अवस्थेत आहे. या भागातील जैन मंदिरामागील किशोर केवले यांचे दोन मजली घर मोडकळीस आले आहे. त्यांचा महापालिकेच्या कारवाईवाला विरोध नाही. परंतु प्रकरण न्याप्रविष्ट आहे. त्यामुळे महापालिकेला कारवाई करता येत नाही. अशी १७ प्रकरणे न्यायालयात प्रलंबित आहेत. परंतु या इमारतींमुळे दुर्घटना घडल्यास याला जबाबदार कोण राहणार. असा प्रश्न नागरिकांना पडला आहे.इमारतींंचा सर्वेशहरातील जीर्ण व मोडकळीस आलेल्या इमारतींचा सर्वे करण्याची जबादारी झोन कार्यालयांची आहे. आयुक्तांच्या निर्देशानुसार अशा इमारतींचा सर्वे करण्यात आला आहे. यात शहरात २२१ इमारती जीर्ण असल्याचे आढळून आले होते. अशा इमारतींवर कारवाईचे निर्देश देण्यात आले आहे. त्यानुसार ९७ इमारती हटविण्यात आल्या आहेत.

Maharashtra (Marathi News)

पावसाळ्यात जीर्ण इमारती कोसळून अनेकांना प्राण गमवावे लागल्याची बरीच उदाहरणे आहेत. ...

विविध मागण्यांना घेऊन कळंब आणि राळेगाव नगरपंचायतच्या कर्मचाºयांनी बुधवारपासून आंदोलन सुरू केले आहे. ...

मुंबईच्या घाटकोपर येथील साई दर्शन ही चार मजली इमारत कोसळून १७ जणांचे बळी गेले. ...