Latest Marathi News

कधीकधी निसर्ग असे काही चमत्कार करतो ज्यावर विश्वास ठेवणे कठीण असते. ब्रिटनमधील नॉटिंगहॅम येथे राहणाऱ्या दोन बहिणींना गेल्या ५० वर्षांपासून आपण जुळ्या आहोत असे वाटत होते. परंतु एका डीएनए रिपोर्टने त्यांच्या आयुष्यात मोठं वादळ उभे राहिले. या दोघी जुळ्या आहेतच परंतु त्यांचे जैविक वडील वेगवेगळे असल्याचं समोर आले. हे ऐकून तुम्हालाही विश्वास होणार नाही. हे कसं शक्य असेल असा प्रश्न पडला असेल तर त्याचे उत्तर तुम्हाला पुढे कळेल.जवळपास ५० वर्ष मिशेल आणि लाविनिया ओसबोर्न या दोघींनी प्रत्येक सुख-दु:खात एकमेकांची साथ दिली. परंतु दोघींना मनात कायम त्यांच्या वडिलांविषयी शंका असायची. हेच जाणून घेण्यासाठी दोघींनी DNA चाचणी करण्याचा निर्णय घेतला. मात्र या चाचणीचा अहवाल समोर आल्यानंतर त्यांच्या आयुष्यात वादळ आले. या रिपोर्टमध्ये त्यांची आई एकच आहे मात्र वडील वेगवेगळे असल्याचा खुलासा झाला. या दुर्मिळ प्रकाराला वैद्यकीय भाषेत Heteropaternal Superfecundation असं म्हणतात. जेव्हा महिलेच्या शरीरात एकाचवेळी २ अंडी रिलीज होतात. कमी कालावधीत दोन पुरुषांशी लैंगिक संबंध ठेवल्याने वेगवेगळ्या शुक्राणूंद्वारे अंड्यांचे फलन होऊ शकते, तेव्हाच असे घडू शकते. संपूर्ण जगात आतापर्यंत केवळ २४ अशी उदाहरणे पाहायला मिळाली आहेत. ब्रिटनमध्ये ही पहिलीच केस आहे. जुळ्या बहिणींना कधी आला संशय?जुळ्या बहिणींच्या आईने जेम्स नावाच्या एका व्यक्तीला त्यांचे वडील असल्याचं सांगितले होते. परंतु ते कधीच त्यांच्यासोबत राहत नव्हते. अनेक वर्षांनी जेव्हा मिशेलने जेम्स यांचा फोटो पाहिला तेव्हा आपला चेहरा वडिलांशी जुळत नाही तेव्हा तिला संशय आला. त्यानंतर मिशेलने डिएनए चाचणी करण्याचा निर्णय घेतला. या अहवालात जेम्स तिचे वडील नाहीत हे समोर आले. मात्र ज्यादिवशी मिशेलला तिच्या डिएनए चाचणीचे रिपोर्ट मिळाले त्याचदिवशी तिच्या आईचे निधन झाले. त्यामुळे अनेक रहस्य तशीच राहिली. त्यामुळे मिशेलचे खरे वडील कोण हे गूढ कायमचे तसेच राहणार आहे.

२२ जुलै ते ७ ऑगस्ट दरम्यान भारताचा विंडिज दौरा ...

Crime News : संतापलेल्या शिक्षिकेने मुलीला अक्षरश: बेदम मारलं. 30 सेकंदात तिला 10 वेळा थोबाडीत मारलं. ...

मात्र अद्याप या घटनेची नोंद शाहूवाडी पोलीस ठाण्यात झालेली नाही. ...